بنت مصريّـة: - أمريكا هى الحل

6/17/2005

- أمريكا هى الحل - السريع

"يا ريت أمريكا تدخل وتخلصنا"

لا، لأ، لأ.. والله ما انا.. طب بالراحة، لأ بقول إيه.. إنت يا ولد يا صغير حتى إنت.. لأ..استنوا، اسمعونى بس

هو انا اللى قلت الكلام ده، والله ما انا.. دى مناقشة طويلة مع واحد شايف إن امريكا هى الحل بين قوسين "السريع" وأنا ماسكتش حتى شوفوا الكلام كان إزاى

ها عملتى ايه فى الإستفتاء، رحتى استفتيتى؟ -
، لأ -
أنا كمان.. طيب ليه -
"يعنى.. أنا معترضة على "أه" و"لأ -
عايزة خيار تالت؟ فهمت تعديل أه.. لكن مش التعديل ده -
بالظبط -

الناس اتخنقت مش كده -
أكيد -
سمعتى عن المظاهرات فى القاهرة -
يووو.. النت مخلينى متابعة كل الحاجات -

أنا عرفت من الجزيرة، الجرايد بتاعتنا مابتقولش حاجة -

الشعب مش عارف حاجة
دى حقيقة -
ماقولتليش عايزة مين يترشح؟ -

..بصراحة، مش عارفة -

أملى الوحيد إن فى ناس إبتدت تقول لأ أنا عارفة إن الوضع مش هيتغير فى خلال الكام شهر الجايين، ولا هيتغير مع الإنتخابات الجاية.. النظام هيستمر.. لكن "لأ" اللى ظهرت لازم تستمر عشان المستقبل الأبعد من الشهور الجاية

عايزة النظام يتشال؟ -

مفيش غير أمريكا.. أمريكا تدخل بقى وتخلصنا
إزاى يعنى؟ إزاى بقى -
متبرقليش كده، أنا مش عميل ولا بقبض م الأمريكان -

بس تعالى إحسبيها كده
إنت عايز تقولى ان الحل أمريكا؟ -

نخلص من الحكومة بإننا نحط إيدينا فى إيد الشيطان؟
اسمعينى بس.. الحكومة بتاعتك هى اللى مفهماكى -

إن أمريكا شيطان ، بالعكس أمريكا عايزة تساعدنا نغير أنظمتنا للديمقراطية وبالتالى نتحسن أقتصاديا
يا سلام، وأمريكا بقى بتعمل ده ليه؟ -

عشان خاطر سواد عنينا وللا طيبة منها وبعدين أمريكا شيطان أنا شايفة دا بعينى فى العراق وفى أفغانستان
كان لازم تدخل العراق، واحد متخلف معذب البلد -

وتلت العراقيين طلبوا لجوء سياسى
يقوموا هما يدخلوا ويشردوا التلتين الباقيين -

واهو صدام مشى ، ايه اللى مقعدهم لحد دلوقتى؟
عشان يحطوا للبلد نظام، دول لو سابوها -

العراقيين هيمسكوا فى بعض، بس خلينا فى موضوعنا، إحسبيها.. أمريكا بتدفع مليارات الدولارات سنوياً معونات (بعد معاهدة كامب دفيد)،خمسة وعشرين سنة بتدفع معونات ، وألاف من المصريين بيدخلوها بطريقة غير شرعية وبتأثر على إقتصادهم هناك.. فيفكروا الحل إيه؟ إنهم يساعدونا نغير أنظمتنا ونرتقى بيها.. ساعتها إحنا إقتصادياً هنتغير وأمريكا هترفع معونتها

وأساساً أمريكا تدفع معونات لينا ليه؟ -

مش عشان تفضل طابقة بأديها على رقبتنا.. تقوم هى عايزة ترفع المعونات بإنها تدخل تغير نظام البلد؟؟ وبعدين ألاف إيه اللى بيدخلوها بطريقة غير شرعية، أنا أفهم إن فى ناس بيروحوا إيطاليا وفرنسا.. قريبين، لكن أمريكا؟

اه طبعاً.. السنين اللى قضيتها فى هولندا -

شفت ياما مصريين وعرب موجودين بطريقة غير شرعية
إسمحلى أنا مش مقتنعة.. أنا أفهم إن اللى عايز يتغير -

بيتغير من جواه.. منه فيه.. مش هيطلب مساعدة من حد وأمريكا سواء بتدفع للحكومة دلوقتى معونات أو بتدفع لحد تانى على حسب ما بتقول عشان يغيروا النظام.. فهى فى النهاية مش عايزة تساعدنا.. أهدافها أكبر من كده
بردو حكومتك هى اللى فهماكى إن أمريكا شيطان -

أمريكا خلاص طهقت من الحكومة دى، حرامية وبيسرقوا ملايين من المعونة وهى عايزة تخلص منهم دلوقتى
خلينى معاك، وأمريكا تفضل ساكتة عليهم ليه -

خمسة وعشرين سنة ليه؟ إشمعنى دلوقتى.. فجأة الديمقراطية هنا عملت لها أزمة نفسية
أنا بقولك اهو الحل الوحيد السريع هى امريكا.. شوفى -

أمريكا معندهاش مانع نبقى متفوقين إقتصادياً وسياسياً إجتماعياً وهتساعدنا فى دا لكن مش هتساعدنا نتفوق عسكرياً
وهى عايزة نبقى متقوفين فى كل ده ليه؟ -
عشان إحنا حمل على دماغها -
يا سلام، ومين قالها تحطنا على دماغنا؟ -

وبعدين ليه مانكونش متفوقين عسكرياً ؟
وإنتى هتبقى محتاجة التفوق عسكرياً فى إيه؟ -

ألمانيا أهو متفوقة فى كل حاجة ومعندهاش جيش
وأمريكا تضايق ليه لو تفوقنا عسكرياً كمان؟ -
والله اللى سبق أكل النبق -
دا مش معناه إننا ما نقدرش نبنى نفسنا تانى ولوحدنا -

أمريكا بنت نفسها فى 200 سنة بس
وإحنا نقدر نبنى نفسنا فى أقل من كده كمان -

فى عشرين سنة ولا تزعلى، بس هى حكومتك هتديكى فرصة تبنى حاجة؟
ومين قال أنا عايزة الحكومة دى -
خلاص يبقى أمريكا تخرجها وإحنا نبتدى نبنى -
وأمريكا يوم ما تدخل بأى شكل، عمرها ماهتخرج تانى -

الحل لازم يكون من جوانا
أنا معاكى.. الحل الطويل من جوانا.. بس الواحد زهق -

وزى ماقولتى أنا مستعد أحط إيدى فى إيدى السيطان
هههههههههه يعنى إنت شايف إن امريكا شيطان دلوقتى -

شوفى أنا مش هختلف معاكى أبدا إن الحل الطويل -

من جوانا ، بس دا عايز صبر ومواليه.. عشان الرقعة البيضا تبتدى تفرد ع السواد
الزمن مش مهم، لازم نعرف إن الشىء اللى بيدوم -

بياخد وقت طويل.. الحل الأصعب، لكن الحل الحقيقى
لازم كمان الشعب ده يفوق ويصحى -

الناس مش عارفة حاجة
جميل نتكلم فى ده.. إزاى الشعب يفوق -

إزاى نزود الرقعة البيضا، لكن تقولى أمريكا!!! الحداية مش بتحدف كتاكيت

17 تعليقات:

mohsenazJun 17, 2005 09:20 AM
Thanks,I remembered an old story talking about a man how refused to get an offered food every day and insist the donor to coach him to how to fish instead.

It was extremely government wrong decision to accept USA - Aids!!
Upon agree with them Egypt became uncovered either ways politically, economically, educational, all national means got accessable by FBI/CIA - it’s the fact!!
It was and still consumable, we learned nothing, developed what? On the other hand lost a lot - dignity, Americans will never offer a solution - its conflict with parties’ interest means national/international.
ReplyDelete
AladdinJun 17, 2005 01:34 PM
Phew!!! Your post needs a whole lecture not a brief comment!! I think if there's a poltical expert in this 'blogging world', I guess he/she should write back an entire post in response to your post.
ReplyDelete
shadyJun 17, 2005 05:31 PM
يا ويله الى عاوز الحل من عند غيره
حتركبه الكلاب ويسود ليله
ReplyDelete
Bent MasreyaJun 18, 2005 02:28 AM
Alaadin

ok sir, u may write a post discussing the issue in "elfarwa elzahabia"

i'll come and comment :)

just don't let it go
ReplyDelete
Bent MasreyaJun 18, 2005 02:30 AM
شادى

و يا طوووووول سواد ليله
ReplyDelete
AnonymousJun 18, 2005 02:14 PM
Your post needs a whole lecture not a brief comment!!
but she has nt any poltical viwe she is writing about somthing is not hers in this 'blogging world', I guess he/she should write back an entire post in people who know nothing about any thing and dare to say everything about everything .
ReplyDelete
AladdinJun 18, 2005 02:52 PM
يا ريت الشخص المجهول يكون بالشجاعة الكافية لنعرف من هو اولا حتى نعرف ان كان هو - ايضا - ممن "لا يعرفون اي شيء عن اي شيء ويجرءون على قول كل شيء في كل شيء"!!

ولما نعرف هويتك اعدك بمقالة رد على بنت مصرية في موضوع أمريكا ده واثق انك لن تفتح فمك بعدها للأبد...
ReplyDelete
Bent MasreyaJun 19, 2005 12:00 AM
عزيزى المجهول،
اكسب فيا ثواب وعرفنى اللى انا معرفهوش، انا عندى 23 سنة ولسه بحاول اعرف واتعلم، فإذا كان ممكن تساعدنى ويبقى جزاك الله خيراً

وصدقنى يا عزيزى انا مش بتريق انا عايزة اعرف فعلا
ReplyDelete
Bent MasreyaJun 19, 2005 12:02 AM
علاء

سواء رد المجهول او لم يرد، أرجو منك كتابة المقال فأنا فى شدة الشوق لقراءته والتعلم منه
ReplyDelete
AnonymousJun 19, 2005 04:54 AM
USA is not the devil, it just seeks what is good for her people and no one is to blame for that , just can we work as they do ?

the people will not change by the time, the economical conditions change 100 to the worse for each man change for the better, they will only change after a catastrophie happen, moseeba that can gather us again and put the trust back in the mind of this nation
ReplyDelete
Bent MasreyaJun 19, 2005 08:19 AM
طيب دلوقتى انتو هتوقعونى فى حيرة ليه؟ الأنونيمس التانى هو نفسه الأنونميس الاولانى وقرر يناقشنى، ولا شخصية مختلفة

يا جماعة ماتلخبطونيش

المهم

أحب بس أوضح قصدى بكلمة "شيطان" باختصار

دى زى ما قلت فى الأول مجرد مناقشة، حوار بينى وبين حد تانى وانت عارف يا اخ اونيمس اتنين ممكن الواحد يستخدم ألفاظ جامدة شوية للتعبير بيها بس لا اقصد من وراها اى مدلول دينى ، احنا بنقول الكلمة دى على حاجات واشياء وناس كتير فى اليوم الواحد ميت مرة

"وميت مرة مبالغة هى كمان :)"

يعنى اقصد بكلمة شيطان ان امريكا بتدخلها فى شئونا لا تحمل اى نية طيبة

واتفق معاك من المنظور اللى انت بتبص له لأمريكا انه بتعمل ده عشان مصلحتها

لكن يا سيدى انا اتعلمت بكل بساطة انى لا أضر الأخر حتى استفيد أنا
واذا عميت عينى عن رؤية الصح والغلط فى سيبل اهدافى اذا انا شيطان

وبالنسبة لموضع الكارثة التى تحدث لتغير الناس

فأزعم انه ساعتها هيكون تغير مؤقت وخير لا يدوم
لأن العقول لم تتغير والمناهج لم تتغير

هيكون تجمع الناس فى ساعة الكارثة رد فعل مش أكتر

احنا زهقنا من اللعب فى خانة رد الفعل

امتى نقوم نحن بال فعل
ReplyDelete
RJun 20, 2005 10:44 AM
طبعاً كلنا ضد التدخل الأجنبي ومع السيادة الوطنية والكلام الجميل ده، لكن في نفس الوقت، من الغباء الظن بأنّ أي تغيير في مصر لن يكون "بمباركة" القوى العظمى.
يعني، هذا هو حال الدنيا عبر التاريخ: إنجلترا وفرنسا تقاسمتا العالم، ثم تقاسمته الدول الخمسة المنتصرة في الحرب العالمية الثانية (الدائمة في مجلس الأمن)، واليوم تحاول أمريكا الانفراد به وسط معارضة عالميّة (أوروبية صينية كورية، إلخ....)

مصطفى كامل وسعد زغلول كان لا بد لهما من "تقويم" فرنسا على إنجلترا، بل وتقويم الإنجليز على حكومتهم. عبد الناصر كان على اتّصال بأمريكا ثم روسيا، والسادات اختار أمريكا للتخلص من الروس.
حتى قبل ذلك كان حاكم مصر يبحث عن مباركة الخليفة العثماني أو يبحث عن غيره.
وتذكروا درس محمد علي: القوى الكبرى لا تترك أحداً ينمو عسكرياً (إلا إذا "ربّط" معهم)، وهذا كان ذكاء السادات رغم أنّ البعض يتهمه بالعمالة.

لم يوجد وقت في التاريخ لم يُحكَم فيه العالم بالقوة، الفارق هو هل هذه القوة غاشمة أم رشيدة: وكل مملكة تبدأ رشيدة (تدافع عن فكرة أو ديانة أو وحدة أو وثورة) وتنتهي بالسُكر من القوة الغاشمة، فتسقُط.
نحن-للأسف-في عصر انتقال أمريكا من الدفاع عن قيم الديمقراطيّة إلى تحوّلها إلى إمبراطوريّة (في زمن صار حُكم العالم كلّه أسهل من ذي قبل)، فعلينا ، بدلاً من ترديد شعارات عصر الوطنيّة، أن نتعلم مفردات العولمة.
لا أقول علينا أن نتخلى عن المثل العليا أو المبادئ، لكن لا سياسة بلا دبلوماسيّة، ولا دبلوماسيّة بلا حسابات ومفاوضات وتفضيلات، ولا بد للجوء دائماً إلى "أقل الحلول سوءاً" بل أفضلها.

هل أقول إنّ "أمريكا هي الحل"؟
لا طبعاً. لكنّني أقول إنّ "السيادة الوطنيّة الكاملة" و"مصر للمصريين" و"لا للتدخل الخارجي" هي شعارات جوفاء وغير عمليّة. لا بد أن تكون أمريكا جزءاً في الحل. يعني لا بد للتيّارات الوطنية استغلال ارتجاف الدولة أمام الباب العالي (في أمريكا) وفرض شروط الشعب على الحاكم (دون تهديد باللجوء لأمريكا، لأن أمريكا ستتدخل بشكل أو بآخر دون الاستعانة بها).
الذكاء هو أن نوازن ذلك بالاتصال بفرنسا مثلاً والاتحاد الأوروبي، وربما أيضاً الصين. لم يعُد هناك وجود حقيقي لحركة عدم الانحياز، فالعالم في طريقه إلى معسكرين جديدين:
1) معسكر الحيتان الكبرى والشركات العملاقة ومن يحققون مصالحها من الدول.
2) معسكر النشطاء وهيئات المجتمع المدني المقاومة للشركات متعدية الجنسيات والمنادية بعدالة اجتماعية/ حرية سياسية/ احترام للحقوق المدنية.
طبعاً هناك معسكران كمان:
3) معسكر المُستَهلِكين (بكسر اللام) والمنتفعين من منتجات سادة العالم الجدد، والمتكسبين من ورائهم.
4) معسكر المُستَهلَكين (بفتح اللام): أي الغلابة الذين داس القطار عليهم: ومنهم مثلاً ملايين الأفارقة الذين يموتون يوماً بعد يوم فقراً وجوعاً ومرضاً.

من زمان نفسي أدوِّن عن هذا الموضوع، لكن مافيش وقت أفكّر بهدوء فيه.

كمان لا داعي للحساسيّة، مصر تقترض من دول الخليج الشقيقة، وهم-بشكل أو بآخر-أثروا في ثقافتنا أكثر كثيراً من أمريكا.
هل نقول جميعاً "لا للتدخل السعودي" بالحماس نفسه الذي نقول به "لا للتدخل الأمريكي"؟
يا ريت

كان هذا رأي غير متخصص لكن غير جاهل في الوقت نفسه.
ـ
ReplyDelete
RJun 20, 2005 02:07 PM
ـ"يا ريت أمريكا تدخل وتخلصنا"

على فكرة..
كل اللي كتبته كان عن التدخل مش الدخول.
دخل في عينهم خازوق، هو احنا ناقصين حد تاني يدخل البلد؟
ReplyDelete
AnonymousJun 21, 2005 02:01 AM
هى وجهة نظر قيمة جدا يا د.راء

لكن التجارب التاريخية اللى حضرتك ذكرتها كانت دايما ضد دايما الإستعمار والإحتلال. والعالم كانت القوة فيها مقسمة على دولتين او اكثر. يعنى بنقوم دى على دى على حد قولك.

بس التغيير فى مصر حاجة كده مننا فينا. كل الحكاية "دستور وديمقراطية وشكل افضل للسلطة.. إلخ"

فى ظل العالم قوة واحدة مهيمنة، صعب ان احنا حتى نطلب مساعدات من قوى أخرى، مهما كانت أهميتها فهى أمام امريكا ليس لها وزن وإلا كانت أمريكا سمعت الكلام ما دخلتش العراق مثلاً. او هما قدروا يفرضوا عقوبات على امريكا بتدخلها السافر فى العراق ورفضهم ليه

والأهم هنا على فرض قول حضرتك هنقوم قوة عظمى على حكومتنا.. يبقى لا فرنسا ولا الصين تنفع لأن حكومتنا مش هتخاف منهم وهما ليس لهم اى تأثير على النظام عندنا

القوة الوحيدة التى لها هذا التأثير هى أمريكا وبالفعل امريكا تحولت من قوة رشيدة الى قوة غاشمة
مش هتكون هى المناسبة كمان للضغط ده

طيب نجيب مين؟؟؟؟؟
ReplyDelete
Bent MasreyaJun 21, 2005 02:02 AM
الأنونميس دى هى انا ، سورى
ReplyDelete
littilemoJun 21, 2005 02:27 AM
عمر ما كان الحل بيجى من بره

لا يغير الله ما بقوم حتى يغيرو ما بانفسهم

ديل الكلب عمره ما ينعدل ولو علقو فيه قالب
ولا بترنا ديل الكلب ده مش معناه انه معدول

بيتهيالي فهمتو قصدى
ReplyDelete
mohsenazJun 21, 2005 06:39 AM
Even America not going to help here, why? the Deal been settled in Sharm....thanks to all oposition((Funny)) parties for their highly contribution to fix and fram professionally the GAME!!!!
Guys time to revisit the history again and again Condition if you are still welling for system changes.
ReplyDelete

Add comment