11/23/2006

الحرامي فين؟ الحرامي أهو




كانوا زمان اللى يعمل جريمة ما، يلبسوه طرطور، ويركبوه حماره بالشقلوب ويدوروا يلفوا بيه فى البلد، عشان يفضحوه والفضيحة عقاب

وبناءا عليه وتضامنا مع حائر، وتعزيزا لنظرية "الفضيحة أولا".. احكى على مدونتى اللى الأغلبية عرفه خلاص.. بس من باب ان الكل لازم يتكلم ، ولازم الفكرة تتفرد على كل مدوناتنا عشان اللى ماقراش يقرا، واللى ماسمعش يسمع، وتبقى فضيحة بجلاجل وشناكل لجريدة الميدان.. ميدان الحرامية والسرقة من المدونين والنصب على قراءها

لأ بصوا، مش هحكى، اقرا هنا.. وهنا.. وهنا.. وهنا...



والحرامى بأه اسمه ايه؟
جريدة الميدان
بتقولوا اسمه ايه يا ولاد؟؟؟
جريدة الميداااااااان
بتقولوا مين؟
جريدة الميدان

11 comments:

  1. فكرتينى بعرض
    عواد باع أرضه.. ياولاد
    على طوله وعرضه
    ياولااد

    :)

    بس البلوجز عاملة شغل تماااام فى البلد الحقيقة.... نظام استعبط.. ح نظبطووووك

    ReplyDelete
  2. الميدان ايه يا شيخة حرام عليكي
    والله اول مره اسمع عنها
    دا بلوجي(اللي هو بلوج صغير واهبل)اشهر منها

    ReplyDelete
  3. اهلين تانى ..بنت مصرية
    ومساء الخير

    مش عارف اقول اية ..
    بس يتهيألي انو المشكلة انو مازكرش اسم حائر غير كدا جميل اانو رئيو ينزل في جرنال ..وتحياتى

    ReplyDelete
  4. يا جماعه يحمد ربنا
    في ناس بيتسرق منها حاجات تانيه

    بس فعلا دا دليل ان عمليه التدوين اصبحت مؤثره في البلد
    وان في مدونين مدوناتهم مش مجرد كلام وفراغ لا دا ترقى لمستوى الصحافه

    يعني علي اقل منهم واحد اهو طلع بيكتب مدونات احسن من واحد صحفي بيسرق

    ReplyDelete
  5. الموضوع جيد بس يا رب يكون قصدك زى ما انا فهمت لان الموضوع له معنى بعيد وأوعدك أنى اقراء كل مقالاتك

    ReplyDelete
  6. ازيك يا زيزي
    دخلت عند احمد شقير و قريت الموضوع
    شفتي حتت حرامي بس ايه
    اهبااااااااااااااال
    مش كده

    ReplyDelete
  7. إبنتى العزيزة بنت مصريه .. أو ربما أختى الصغيره .. الحقيقه مش عارف أكبرك ولا أصغرك ( فى السن طبعا) .. لكن إنتى فى الحقيقة فى نظرى إنسانه كبيره وعظيمه ..
    الحقيقة النهارده بس أنا جاى عشان أشكرك .. لأنى الحقيقة إتعلمت منك حاجات كتيره فى المدونات .. وطبعا ومؤكدا السن ليس له علاقه بالتعليم من كبير أو صغير .. لأنى صحيح أنا أد أبو المدونين كلهم تقريبا وربما أد جد بعضهم لكن هذا لا يمنعنى من التواصل مع الناس النشيطه إللى زيك .. صحيح أنا دخلت هنا فى مدونتك كتير مرار وتكرارا وقرأت البعض مما كتبتيه .. مش كتير يعنى .. بس أنا الحقيقه مبسوط منك ومن نشاطك الملحوظ فى الكتابه .
    عموما أنا بكرر شكرى على ما تعلمته منك ونفذته فى مدونتى بموقع مكتوب .. وبكرر إفتخارى بيكى يا زينب .. وإلى الأمام دائما وربنا يوفقك فى شغلك الجديد والسلام عليكم ورحمة الله وبركاته.

    ReplyDelete
  8. اهلا بنت مصريه اشكرك علي بوست كيف تنشيء مدونه؟و ارجو ان تضيفي اسمي في قائمة مدوناتك ولكي جزيل الشكر

    ReplyDelete
  9. تمنياتي للصحفي الحرامي بمستقبل "باهر" في عالم السرقة ، طالما أنه يعتقد أنه عندما يفعل فعلته تلك يكون حينئذ في "السليم"!

    ReplyDelete
  10. الله يحرقهم اكتر ما هيتحرقوا
    حتى التدوين بيتسرق
    فى ايه هو الناس دى اتربت ع السرقه و للا ايه
    صحيح اول مرة اسمع عن الجريدة دى بس ده ما يمنعش ان اللى يسرق فى الصغير يسرق فى الكبيرة باعتبار ان محدش هياخد باله

    بس حلوة الفضيحة ام جلاجل دى

    ReplyDelete
  11. الله يحرقهم اكتر ما هيتحرقوا
    هو حصلت يسرقوا من المدونات
    هى الناس دى اتربت ع السرقه و للا ايه بس
    بس حلوه الفضيحة ام جلاجل دى

    ReplyDelete