4/15/2007

صباح اسود على عيونك يا مصر

الخبر الأسود اللى كنا خايفين منه حصل.. اعتقلوا عبدالمنعم، اعتقلوه من غير اذن نيابة وكله بالدستور الجديد.. وهيعذبوه بتوع امن الدولة زى ما بتوع الشرطة ما بيعذبوا المصريين.. اتفرج على حلقة الجزيرة عن التعذيب، اما المجرمين فى حق مصر والمصريين فاحنا زهقنا منكو خلاص ومش مستحملين اكتر من كده ، اياكو تمدوا ايديكوا عليه يا كلاب

41 comments:

  1. ما خلاص مدوا ايديهم
    خلاص
    ربنا يستر بس
    و ميتاذيش

    ReplyDelete
  2. بديهي... ان سجلات جوازات المطار تقول انه سافر وبعدين يدعوا انهم م يعرفوش الشاب المحترم راح فين... حد فاهم

    ياترى يا مصر
    لسه كتير ... ادعوا... ان شاء الله تفرج

    ReplyDelete
  3. ارجوكي....ماتقليش صباح اسود عليكي يا مصر
    مصر مالهاش دعوة
    مصر منهم بريئة

    ReplyDelete
  4. في اية انا متابع اسلوبيك من زمان وكان لزيز بجد في كل الاتجاهات لكن تيجي في الاخر تقولى صباح اسود على عيونك يا مصر لية صباح اسود هيا مصر هاتموت ولا سمعنا انها انتهت من كتب التاريخ و اتلشت من الحاضر و من المستقبل مش علشان واحد مصر تموت ويبقا صباحها اسود فية غيرة و غيرة وفي لحظة ماهو اتمسك في طفل على ارض مصر اتولديمكن يكون الامل معاة.. الى عايز اقولة هنا علشان بس متفهمش غلط و يتقال انى مش مهتم او او الخ بصراحة انا ساعات ببقى مع النظام و ساعات ضدة بحكم القضية و حيثيتها في حنها ولانى مش فاهم في اية و اول مرة اسمع عن الانسان دة و دون خوض في تفاصيل الا انى بجد بقول انى مبحبش الاخوان هما معملوليش حاجة وحشة بس كانوا بيعملوا في غيرى حاجة وحشة و بجد قلقى انهم ميعرفوش يديروا مصر بجدية او بطريقة سليمة ان حصل و خدوا زمام الامور مينفعش واحد علشان يعرف ربنا يدخل في السياسة و الا كانوا المشايخ هما اولى الناس بدة بس على اى حال انا كدة او كدة مش بناقش دة دلوقتى انا نرفزنى اسم الموضوع فعلا فحبيت اشارك وانا على اى حال ضد الاستيلاء و سرقة حرية انسان دون انة يكون اضر بحد مش معاة و مش هابقى معاة .. شكرا

    ReplyDelete
  5. بسم الله الرحمن الرحيم
    لأن هذه المدونة هي أول ما قرأت من المدونات ، أرجوا من صاحبتها بعض المساعدة في مدوني التي أعمل عليها حيث لا أملك الخبرة الكافيه ..أنا لاأريد الكثير ..فقط ..ضعي إجابتك على ما سأقول في كومن صغير في مدونتي وسأكون شاكرا ..
    مع العلم أنني أنشأت المدونة كي أسجل بها شعري لاأكثر وهو عبارة عن سطور مكتئبة لم ولن تجد ناشر لأنها ذاتيه النهج لأنني لاأعتبر أنني مواطن فوطني جلدي وهو أيضا كفني..
    المهم
    كيف أصنع من الجملة أو الكلمة في حد ذاتها (في وسط الكلام ) رابطا .. كما تفعلين ؟
    2_ لماذا لا تظهر المقدمة باللغة العربية بصورة سليمه ..الأمر الذي اضطرني لكتابتها بالإنجليزية ..(أقصد مايكتب في العنوان)
    3_كيف أتحكم أكثر في الجانب الأيمن من المدونه وأكثر ما أريده ..أن الفواصل عندي خطوط خضراء بينما عي عندك مستطيلات تشتمل على عناوين ..كيف تصنعين ذلك ؟
    لكي لا أطيل أتمنى منك الإجابه ..
    كما أتمنى أن تدخلي المدونه ..هي ليست كما يجب بعد ولكن أتمنى أن تساعديني في ذلك ..

    محمد إسماعيل سلامه
    شاعر وطالب أزهري فاشل
    http://magnonrsmi.blogspot.com/

    ReplyDelete
  6. بكفاياك بقى ياريس
    http://sebhayaraes.blogspot.com/

    ReplyDelete
  7. اذا كان العنوان اذى مشاعركم فاسمحولى انتو فهمتوه غلط

    انا مش بقول صباح اسود على عيونك يا مصر من باب التهزيق لمصر، انما حبيت ابلغها خبر ان ايامها لاجية هتكون بالسواد ده.. حبيت اقولها ان اللى فات كوم واللى جاى كوم تانى خالص، ابتدا فعلا مع اعتقال منعم.. السواد هيبقى على عينك يا تاجر.. والنفق المظلم اللى بيقولوا عليه دخلناه فعلا بعد التعديلات الجديدة للدستور
    وان ملف التعذيب بتاع هوايدا طه خلانى شفت بعنيا اللى كنت طول الوقت بخاف اشوفه، وانه من ساعتها انا كرهت حاجات كتير حوالينا
    وان انا زهقت خلاص
    ومابقاش نافع كلام
    ولا تدوين
    ولا تدوين

    ReplyDelete
  8. حسبنا الله ونعم الوكيل
    ربنا يورينا فيهم شهر مش يوم بس
    الناس دول الواحد مستنى يشوف حالهم هيبقى ايه فى الاخرة لا والله وفى الدنيا كمان
    وما صدام حسين منا ببعيد

    ReplyDelete
  9. لا حول لنا ولا قوه الا بالله

    ReplyDelete
  10. ليس صباح أسود أنها لحظات الدخول في النفق المظلم ونحن الن أمام طريقين أما الموت أو طريق النهار و شمس الحريه و لكن أي طريق سنختار؟

    ReplyDelete
  11. مش عارف اقوليك اية زى مايكون احنا في بعض القوانين واخدين حريتنا و مبرطعين و فاتت الحرية دية وداخلين على ايام وحشة اوى او سودا بس المرادى مش على مصر دية على المصريين المهم فهمت قصديك انيك مش قصدة تعبير على مصر بس بصراحة لسة شايف ان الاسم فية استأة لمصر و كل دة علشان واحد والاهم انة فعلا احيانا بنحاول نشوف الموضوع زى مابنحب و عيونا بتشوفة مع ان الموضوع اكبر من كدة و لية زوايا تانية على اى حال ثقتى في اهلى كبير ان كانوا من الحكومة بقطاعتها المختلفة و اهلى الى برة الحكومة الى بيطبق عليها الحاجات دية ربنا يستر و الكل يفهم معنى ابداء الرئى و التعبير وعدم المساس باى حال من الاحوال بأشياء تبدو انها حريات و لكن مع اختلاط الاوراق تندرج تحتها امن مصر مش عارف اقول اية بجد الموضوع متشابك بشكل غريب كلة مش مصدق التانى و دول يقولوا دول مش فاهمين و دول يقولوا دول قاسيين ربنا يسطر و مينفرطش الامن الى في مصر مع انى اشك انة ينفرط .. من الى متابع اسلوبيك من زمان

    ReplyDelete
  12. بتقولي هيضربوه (هههههههههه) دول هيليفوه وبعدين يكحرتوه وبعدين يفشخروه وبعدين يفش**و وبعدين ******* واكيد هيروح التلاجه وبعدين الغساله ومن الاخر هيخرج من هناك ميعرفش اسمه ايه ولا اليوم اللي اتولد فيه واساسا جيه الدنيا ليه
    بس ادعولوه يخرج ذي مدخل مع اني اشك حتي لو محدش لمسه

    ReplyDelete
  13. ربنا يسترها عليكي يا مصر

    ReplyDelete
  14. This comment has been removed by the author.

    ReplyDelete
  15. مافيش فايدة
    البلد دى مافبش فيها فايدة

    ReplyDelete
  16. بنت مصرية
    ولسة اللى جاى أسوأ و شكلهم بعد كدة حيلمونا كلنا

    ReplyDelete
  17. متقلقيش من العبارات اللي بيعترض عليها الناس
    اللي خرج من القلب في لحظة مبينفعش تتناقش فيه الناس وتعيد وتزيد فيه

    خرج كما هو وعبر عما بداخلك
    وهذا يكفي

    ثانيا بقة
    بصي يا زينب

    مشكلة عبد المنعم دي مش مشكلة حقيقية من وجهة نظري

    يعني الشاب ده اصلا حتي مش مهم قوي لدي الاخوان
    ومش اول مرة يتقبض عليه
    الظاهر انه اتاخد كثير
    وده من كلام اخوان اخوان انا متكلم معاهم شخصيا من يومين بس

    طبعا انا مش قصدي اهون من قضية اعتقاله لحسن حد يفهم غلط

    بس هو مش مطلوب عشان هو مدون اصلا
    عشان هو اخوان اولا

    في الوقفة اللي اتعملت ليه امام النقابة وكنت انا فيها
    انا كنت رايح وعارف ان فيه امر صريح في بعض المناطق محدش يحضر الوقفة دي خالص
    وانا عارف ان الاخوان اللي حضروا حيقعدوا يناقشوا ويجادلوا

    بس معلش يعني
    ما جاش من الاخوان غير الاربع شباب الاخوان الللي دعوا للوقفة

    وبنتين من بنات معتقل سابق وقالوا انهم جايين من غير ما حد يعرف

    والباقي كانوا شوية مدونين وصحافيين

    اللمة كلها مقفلتش 20 واحد

    ملف التعذيب ده شئ اخر

    بصي يا زينب ومعلش يا جماعة
    انا شامم ريحة زفت سياسة ورا الكلام الفاضي ده
    سياسة حكومة
    وسياسة اخوان

    فيه ميت حاجة مش فاهمها بصراحة وكلام الناس من جوه متضارب جدا
    والبعض اصلا مش فارقة معاه
    وواحد يقوللي مش اول مرة يتاخد
    انا مش فاهم حاجة تماما

    ReplyDelete
  18. عبدالمنعم يدفع ضريبة حبه لهذا الوطن الذي وفيما يبدو ان ليس مننا كثيرا يحبوه بالدرجة المطلوبة والدليل ما يحدث ومازل يحدث للآن
    اللهم فك اسر عبدالمنعم من سجنه الصغير وفك اسرنا من سجننا الكبير

    مع تحياتي

    ReplyDelete
  19. رغم معارضتى للإخوان إلا إنى فى غايه الحزن على الى حصل .. الموضوع تعدى الإنتماء الدينى أو السياسى وتحول لتعاطف مع إنسان أعتقل منغير أى تهمه أو سبب

    دى مسخرة

    ReplyDelete
  20. يابلادي ياحزينة اوعي تياسي
    بكرة جاي فارس بيه تفرحي
    والشعب يطلع يكبر ودراعتك تفتحي
    صبر الشعوب انفجار ليه ميعاد وقدر
    بعيد او قريب المهم اوعي تحزني

    ReplyDelete
  21. ربنا يستر بجد الايام اللى جاية فعلا سودا وده من بوق ظباط شرطة كلهم بيقولوا ان الايام اللى جاية زى الزفت وان المدونين هما اول ناس ناويين عليهم
    كله يحضر شنطه بقى ياخوانا معتقل العقرب يناديكم

    ReplyDelete
  22. لا حول ولا قوة الا بالله ... هم عايزين ايه بالظبط
    تحياتي

    ReplyDelete
  23. حسبى الله ونعم الوكيل
    اللهم النصر الذى وعدت
    " اللهم إنى مغلوب فانتصر"

    ReplyDelete
  24. كلنا مع عبدالمنعم
    انتظروا حملة كلنا إخوان
    للتضامن مع منعم

    ReplyDelete
  25. بنت مصريه عندى ليكى تاج
    جايز تكونى متعرفنيش بس انا معرفش غيرك
    ايه اكتر هوايه بتستغرقى فيها وبتنسى معاها الدنيا وكل ما فيها
    مدون جديد
    mazaag.blogspot.com

    ReplyDelete
  26. بن عبد العزيز

    انا معرفش فى السياسة عشان كده مش شامة حاجة، كل اللى اعرفه ان واحد بنى ادم خدوه واعتقلوه وهيعملوا فيه زى ما شفت ضحايا فى برنامج التعذيب

    تقولى اخوانى تقولى بدنجانى.. هما هيعذبوه
    وانا مشش قادرة اشيل الفكرة المرعبة دى من دماغى
    وعايزة اعمل اى حاجة تخرجه وتخرج كل اللى زيه
    ومش عارفة اعلمل ايه
    وزهقت من الرغى
    وزهقت من نفسى
    وزهقت من كل حاجة حواليا
    ومش عايزة ابقى زي بتوع الاتوبيس-
    ----

    حزين
    اهلا بيك
    معلش ممكن نخلى حكاية التاج ع جمب يومين كده
    معلش استحملنى

    ReplyDelete
  27. طبعا إللى حصل ميرضيش حد
    بس برضه يعنى ما هو بيدافع عن هويدة طه المصرية إللى بتسئ لبلدها بفيديوهات متمثلة وكله كان واضح فى الشرايط بتاعتها وكلاكيت ومونتاج وبتاع فيلم فيلم يعنى

    وكمان بيدافع على كريم بتاع العلمانية
    ولاإله إلا الإنسان والملحدون العرب وادعم الدنمارك !!

    دول من افجر الناس !!!!
    زى ما يكون اى حاجة الحكومة تعملها لازم نسئ إليها وخلاص ونطلعها غلطانة
    حتى لو مسكت جاسوس خاين لبلده زى الجاسوس بتاع الطاقة الذرية !!

    دة غير العضوية في منظمةٍ محظورة"، وبأنه "يتولى دوراً قيادياً في منظمةٍ محظورة"، وكذلك بتمويل جماعةٍ مسلحة.



    يعنى البلد حظرت جماعة وقالتلك مش تنضم ليها لما تروح تنضم يبقى بتخالف ولى الأمر
    لأن جماعة الإخوان المسلمون ليست من الإسلام ولم يأمر بها الإسلام وبالتالى غير الإخوان ليسوا عصاه ! ومن المعلوم بالضرورة ان ما عليك هو الطاعة إلا فى المعصية
    فمحاربتها ليست محاربة للإسلام ولا حاجة

    انا مش عارف أقول إيه بصراحة
    ربنا يهديه ويهديهم

    ReplyDelete
  28. اخالفك

    اخالفك

    اخالفك

    فما سيأتى

    نحن من سنصنعه

    وصدقينى انا متأكد

    اننا سنحسن الصناعة قريباً

    أرجوكي

    لا تيأسي فالتغيير قااااااادم

    قاااااادم

    لا محالة

    انها مرحلة المخاض ياعزيزتي

    تأكدى من ذلك

    تحياتي

    ReplyDelete
  29. معلش هو ملو ش دعوة بالموضوع بس الصورة بتاع التعليم http://bmadvice.blogspot.com/
    رااااحت

    بلال صاحب
    http://3eeb3aleek.blogspot.com/

    ReplyDelete
  30. http://www.bmclines.com/images/tadwen4tv.PNG
    ادا لينك جديد للصورة

    ReplyDelete
  31. مفيش فرق بين التجربة الدنماركية والتجربة "المصرية" إلا في حاجات بسيطة اوي!!!

    ReplyDelete
  32. إلى الأستاذ ابن عبد العزيز ... لو تقاطع السياسي والحقوقي، لأيهما تنتصر؟ بمعنى آخر، الموضوع فيه شق حقوقي واضح مثل الشمس وبعد سياسي خفي(؟!) المهم هل من الصواب التعامل مع القضية على أساس أنها قضية "سياسية" فحسب رغم وجود البعد الحقوقي والإنساني بشكل فج؟

    ReplyDelete
  33. بص يا علاء
    يا ريت المشكلة بالبساطة دي

    اصل الحكاية تعود الي ما يسمي
    بالخوازيق

    يعني ايه يا باشا ؟؟؟
    حضرتك فيه مشكلة في الاخوان اسمها
    تعظيم تضحياتهم وتهوين تضحية الاخرين
    وده سيادتك مبيجيش في التعليقات الصحفية والكلام الكبير قوي ده

    لا بيظهر في المعاملات
    وطبعا ساعات تلاقي حد اخوان مهتم بصفة شخصية بس متلاقيش تيار متدفق من دعم زي مبيحصل في الحالات التانية

    اديك امثلة بسيطة
    مثلا يعني
    لو حضرتك مش من دائرة الاخوان اصلا سواء كنت محب او مؤيد او اخ عامل
    واشتغلت مع الاخوان في عمل سياسي واتعكشت
    الغالب الاعم انهم حينسوك وتطير باي باي اللهم الا زي ماقلت حالات شخصية ..يعني حد صاحبه وبيحبه وكدة يعني

    الحاجة الثانية
    ان اللي بيخش الاخوان عارف انه حيتعكش
    او احتمال يتعكش
    بمعني
    ان ما فيش حاجة اسمها جماعة دينية
    اللي بيعمله الاخوان هو عمل سياسي
    واللي بيعمل عمل سياسي يجيله واوا

    يبقي مفهوم اوي ان السياسة = هلاك وعذاب

    صح؟
    طيب انا بقول كدة ليه؟
    عشان لما الاخوان يشوفوا غيرهم من بتوع السياسة بيتعكشوا
    اولا بيودوا وشهم الناحية الثانية في الاغلب الاعم
    ثانيا لما بيتاخدوا هما ويتبهدلوا بتطلع كل شعارات الحرية والذي منه
    ومصر هي امي
    والعلم ف فمي
    ويا حرية فينك فينك
    والاصلاحيون اهما
    وشحتفة وتنهيد واين ضمير مصر
    وكدة

    اقوللك مثال لذيذ
    واحد كان اخوان
    سابهم من ست شهور كدة
    المهم اشتغل في التعديلات الدستورية
    واتعكش
    واتاخد امن الدولة واتضرب وطلعوه
    قوم ايه بقي
    اخوه اللي هو اخوان برضك
    يقولوله في القعدة بتاعتهم
    شفت اخوك حصلله ايه؟
    ما هو لو كان فضل معانا كان مش عارف ايه
    طيب ...قوللي مثلا اجيب افسر دي منين ؟

    مثال فردي منحرف؟
    ممكن
    يارب

    اخ علاء
    فيه مشكلة في الاخوان
    وحتي الشلة بتاعة المدونين اللي طالعة مالية الدنيا زعيق الان
    انهم عندهم حصانة شديدة ضد النقد
    وكل شئ مبرر
    يعني مثلا
    واضح قوي
    ان الاخوان لاغراض سياسية وترتيب اولويات
    مش مهم عندهم عبدالمنعم
    او مثلا مش هو ده اللي يحشدوا ليه اي ضغط
    او او او
    وانا لو كنت في القيادات الاخوانية كان ممكن اوصل لنفس النتيجة واطنش خالص
    الاهم بقة لما واجهنا الناس دول اللي هما المدونين باللي حصل
    كان اخوك
    DENIAL
    شغال الله ينور
    ومكعبر وكبير كدة وحلو ومليان صحة

    ليه بقي؟
    لان الجماعة فوق الجميع
    وده مفهوم

    نيجي بقة لعبدالمنعم
    مش اول مرة يحصل معاه كدة
    وواضح انه بيلاعب الامن كثير
    وخاصة لانه مراسل في المحور

    دلوقتي احنا كمدونين وانا واحد منهم
    ارمي نفسي في وساخة سياسة ليه؟

    بمعني
    انا بالتاكيد ضد اعتقال اي شخص عشان حرية رايه
    بس اما نفس الشخص ده معرفشي بقة هو مربط مع الجماعة بتاعته
    وبيشتغلونا كلنا
    واللا بيركبوا موجة التدوين كمان
    عشان يبقي التدوين اختراع اخواني
    والمدونون الاخوان نصر الامة
    ويحيوا الهمة

    انت فاهم ايه اللي بيحصل؟
    التدوين حاجة بنتنفس بيها
    وبنقول اراءنا من غير منقعد حد يملينا
    او نتلفت حوالينا
    او يبقي انتمتاءنا لنادي او حزب غاسل امخاخنا

    فضاء التدوين عمال بيتحول لاسترزاق
    ونضال احزاب
    وشعارات تاني
    يعني وساخة الشارع بتطلع فوق تاني

    وبصراحة كدة انا شايف
    ان اي عمل فكري تراكمي الهدف النهائي منه الترسيب لتحت
    يعني بنكتب عشان نغير العقل الجمعي
    مش تراب الشارع يطلع لفوق ويخنق الكل

    سواء بقة تراب الاخوان او الغد او الناصري او كفاية

    مشكلة التدوين في مصر انه رد فعل
    مش محرك للفعل ومش بيشارك في خلق فعل
    علي نقيض المدونين الايرانيين والبحرانيين مثلا


    علي كل دي وجهة نظري

    من الناحية الحقوقية انا ضد اعتقال كلب بسبب حرية رايه

    دي خالصين منها

    اما بقي وساخة السياسة فانا قلقان منها ومش عاجبني شغل الحلبستة ده خالص

    واتمني ان الناس اللي بتحب الحقوق
    تفهم سياسة برضك
    عشان متلاقيش نفسها
    بتخدم اجندات حد وهي مش عارفة

    والله اعلم
    وده رايي اللي انا وصلتله حتي الان
    وقد يتغير بتغير المواقف والاشياء

    جزاكم الله خيرا

    ReplyDelete
  34. مش عارف اقول اية غير ان القبض على واحد من المطار بعد ما يخلص الاجراءات فى مغالطات كتيرة وخرق لجميع الحقوق
    الا اذا كان ارهابى ارهابى على اصله
    مش عارف اية اللى بيحصل قضية للحجب من ناحية وقبض من ناحية
    انما بالحق عملتى ايه فى موضوع القضية بتاعة الحجب
    روحت الجلسة الاخيرة ومشفتكيش كان نفسى اخد لك كام صورة للشهرة جنب المتهمين العملاء اياهم ههههه
    مجتيش ليه انت مش مهتمة ولا اية

    ReplyDelete
  35. والحق احق ان يتّبع

    ReplyDelete
  36. كلما يشاهدوا مصر تحاول ان تتنفس

    سارعوا بكتم انفاسها

    عسى ان يجعل الله لنا مخرجاً قريباً

    تحياتي للجميع

    ------------------
    صاحب مدونة البوابة

    ReplyDelete
  37. ياتري الدور المرو الجاية علي ميييييييييييين


    لو سمحتي انا عايز ايميل للمراسلات ارجو الرد للاهمية القصوي ايميلي هو

    omarelmokhtar_1001@yahoo.com

    ReplyDelete
  38. الدنيا بمبى
    الحياة مش سودة الحيا جميلة والنهاردة فرح البنت دوجة وشايفك مكسلة تبعتى مسج والا تشترى هدية للعروسين وعقبال الجميع شهر العسل هيبدأ وربنا يكتر افراحنا ويستر كل اخواتنا
    مش بقول الدنيا هايلة
    وبعدين ياستى السجن للجدعان وهناك خمسين الف مواطن بيشموا نسيم العادلى وخمسة ولعوا فيهم بجاز وقال اية ماس كهربائى
    خمسين الف وزعلانة على واحد
    خمسين الف قلب ام مكسور على ابنها المعتقل
    خمسين الف اسرة مقهورة لان ولد من عيالها خلف القضبان ظلما وعدوانا
    وبرضة هتطلع شمس النهار
    وهيخرجوا بالفرح
    ودايما افتكروا ابن عروس
    لابد من يوم محتوم
    ترتد فية المظالم
    ابيض على كل مظلوم
    اسود على كل ظالم

    مواطن

    ReplyDelete
  39. الدنيا بمبى
    الحياة مش سودة الحيا جميلة والنهاردة فرح البنت دوجة وشايفك مكسلة تبعتى مسج والا تشترى هدية للعروسين وعقبال الجميع شهر العسل هيبدأ وربنا يكتر افراحنا ويستر كل اخواتنا
    مش بقول الدنيا هايلة
    وبعدين ياستى السجن للجدعان وهناك خمسين الف مواطن بيشموا نسيم العادلى وخمسة ولعوا فيهم بجاز وقال اية ماس كهربائى
    خمسين الف وزعلانة على واحد
    خمسين الف قلب ام مكسور على ابنها المعتقل
    خمسين الف اسرة مقهورة لان ولد من عيالها خلف القضبان ظلما وعدوانا
    وبرضة هتطلع شمس النهار
    وهيخرجوا بالفرح
    ودايما افتكروا ابن عروس
    لابد من يوم محتوم
    ترتد فية المظالم
    ابيض على كل مظلوم
    اسود على كل ظالم

    مواطن

    ReplyDelete
  40. أنا الحقيقة أول مرة أزور مدونتك وسعيدة إنى إكتشفتفتها رغم الصباح الإسود

    الحقيقة أنا كمان زهقت من البدل دى ومش عارفة أعمل إية ، أ،ا زيك بالضبط عاوزة أعمل حاجة لمنعم ولكل اللى زية بس مش عارفة هى إية ، كل إحساسى إتحول لخوف من اللى جاى وأنا كمان مستغربة لنظرة التفائل اللى بيتكلم بيها صاحب البوابة !!!!
    إحنا بقينا دولة بوليسية يا أخى الكريم .
    بقينا ملطشة جوة وبرة .
    ربنا يستر بقى .



    إيمان حسان
    المملكة المصرية

    ReplyDelete