8/27/2007

والنبي دا حرام

كيلو المكرونة زاد جنيه مرة واحدة
وكيلو الدقيق زاد جنيه وخمساشر قرش مرة واحدة

كشفت راسي ودعيت ع المفتري وابن الحرام
بحق الفقرا اللى هما اغلب المصريين وبحق الغلابة اللى داخلين على رمضان والمدارس والشتا
Lable: , , ,
Posted by بنت مصرية at 8/27/2007 06:59:00 PM

43 تعليقات:

  1. هو الحرام على مين بالضبط !! تفرق اوى

    فانا ارى ان الجميع مشارك فى الإثم حتى الفقير والغلبان
    ReplyDelete
  2. ولا تزر وازره وزر اخرى
    فحتي لو كان من الاسباب بعض القله (او الكثره) فلا داعي للتعميم على الكل!!!
    ReplyDelete
  3. هوه البانر بتاعك بيعمل ايه هنا

    http://albayanalmasry.blogspot.com/

    lol
    ReplyDelete
  4. ظهر الفساد في البر والبحر بما كسبت أيدي الناس

    صدق الله العظيم
    كلنا مشاركين هم بالغطرسه والزياده اللامبرره ونحن بسكوتنا ورضانا بالوضع
    ReplyDelete
  5. ونبي بقى بالمرة ما دام نويتي تدعي ادعي على اللي دفعونا الشهر اللي فات 211 جنيه مية وحوالي 115 جنيع كهربا الله يعني لا أكل ولا شرب ولا نور

    يسلام الله يحرق اللي كان السبب

    حــنــظــلــة
    http://7anzala.wordpress.com
    ReplyDelete
  6. كله بسبب زيادة سعر اردب القمح 80% بسبب التغيرات المناخية العالمية!!

    مش لو كنا بننتج قمحنا بنفسنا مكناش احتجنا لحد ولا حد اتحكم فينا

    ربنا يستر على سعر رغيف العيش...الموضوع مش ناقص
    ReplyDelete
  7. أنا كنت بقراء مقال النهردة بيتكلم عن انخفاض سعر القمح و زيادة استيراد مصر بسبب انخفاض السعر .....سبحان اللة فى البلد دى
    ReplyDelete
  8. و السمنة ( الصفرا ) زادت 4 جنيه من أصل 20
    و القمح تقريبا بيختفي بعد ما زاد حوالي 30%
    و الذرة شرحة ، بس ممكن يستنى شوية بعد القمح .. يعني كام يوم كدا
    بس تعرفي .. هما اللي يستاهلوا قصدي احنا اللي نستاهل.. دي اخرة اللي يحاول يعمل خناقة على جلدة الحنفية مع ان المواسير مش مكسورة دي اتسرقت اساسا
    ReplyDelete
  9. This comment has been removed by the author.
    ReplyDelete
  10. 3andek 7a2 ya bnty :S rabna 3al moftry
    ReplyDelete
  11. يمكن قالو نعمل للشعب ريجيم اجباري
    ReplyDelete
  12. الناس هي السبب ماتخافوش أنا مش ممتاز القط ولا مصطفى الفقي بس اللي يغلى عليه تمن المكرونة ويرخص تمن الدم .. يلوم نفسه لأنه هو اللي قال أنا ماليش دعوة بالسياسة
    ReplyDelete
  13. اكشف راسى و اكنس عليهم الحسين و السيدة نفيسة
    وكمان لسة
    اصلى عازب و عايش لوحدى و اتغذى فقط على المكرونة
    امال لما اتجوز هاعمل اية
    يااااااااااااااا
    خراااااااااااااببببك
    ReplyDelete
  14. طيب والله كويس ده أحنا حتى العيش الحاف مش هنعرف نجيبه كمان سعره غلى وللأسف ما ينفعش يتاكل بسبب الحاجات اللى بتكون فيه
    ممكن ناكل هوا ولا كمان هايكون له سعر
    والله خايفة ليعملوها ويحددوا أسعار للهواء
    تحياتى لكى
    ReplyDelete
  15. والله منا عارف أقول ايه ؟؟؟

    بكرة العيش كمان هيغلى وقريب أوي كمان ... ؟

    مش عارف هنفضل كده لحد امتى ؟؟؟
    ReplyDelete
  16. فى ناس عايشين ب100 جنيه فى الشهر والغلاء ده هيخليهم اما يشحتوا فى الشوارع ياإما نرجع لأيام الجاهليه ويوؤدوا البنات هروبا من الفقر!
    حسبى الله ونعم الوكيل
    حسبى الله ونعم الوكيل فيك يا ريس
    ReplyDelete
  18. الله يخربيت الحراميه اللى فى بلد اللى وكلنها والعه
    يارب رحمتك
    ReplyDelete
  19. ايه يا جدعان
    اللى مش عاجبه ما يشتريش
    الدنيا كلها بتغلى مش بس احنا
    ReplyDelete
  20. واقولك انا كمان كيلو لبن جهينه ب5حنيه ونص زاد نص جنيه مرة واحدة وانجوي 60 قرش بقا ب5 بعد4 وستين قرش البقسماط
    بتاع الفراخ البانيه زاد من 3جنيه الى 3جنيه وسبعين قرش والعيش الفينو من 6بجنيه الى 5 بجنيه والزبدة الصغرا من 17 الى22 جنيه تحياتى ياقمر وبوسي ليد باباكى واعملي له تمثال عشان بيصرف علي البيت
    خخخخخخخخخخخخخخخخخخ
    انا عامله رابطه حلوة اوى عندى انتى ما بتجيش ليه؟؟؟ مش تبقي تيجى؟؟؟
    ممكن حضرتك تشيلي الفير فيكشن دى يحسن غلسه اوى..
    ReplyDelete
  21. خلاص هانت يا زيزي والراجل بتاعنا بيخلص
    ReplyDelete
  22. الهى يولع بحق جاه النبى اللى كان السبب يلا ما هو احنا الشعب المصرى مش وراه غير انه يدعى
    لكن يعمل حاجه بجد
    تؤتؤ كده يبقى عيب
    ReplyDelete
  23. آآآآآآآآآآآآآآآآآآآمين
    ReplyDelete
  24. محدش فاهم فكره الحكومه هى بكده بتموت الشعب من الجوع ، البلد تفضى خالص ليهم ، وحيعملو بطول البلد وعرضها ملعب جولف
    ReplyDelete
  25. بنوتة ..صباح الفل
    منه لله كادر المدرسين :) هههههههههههه
    يعني على رأي أحمد زكي في الحب فوق هضبة الهرم ..مافيش أرخص مننا ..مع الأسف ..مع الألم! ا
    تحياتي ..وعسى أن يستجيب الله لك
    ReplyDelete
  26. ربنا على الظالم والمفتري فعلاً .
    ReplyDelete
  27. ظهر الفساد في البر والبحر بما كسبت أيدي الناس

    كلنا سبب في الي بيحصل ...
    الصيغر و الكبير فينا ...
    مفيش حد بقي عنده دم الا من رحم ربي...
    ReplyDelete
  28. لا وازازة الحاجه الساقعه الميه يا ناس زادت نص جنيه الله يرحم زمان وليالى زمان كنت بشتريها بربع جنيه
    اه يا ليا يا زمن
    مدونتك تحفه يا بنوته
    ReplyDelete
  29. والعيش زاد 50%
    الواحد بقى ملوش عيش في البلد دي

    www.myfingerprint.blogspot.com
    ReplyDelete
  30. الأخت الفاضلة
    كنت أفتش عبر غوغل عن مراكز كي أنشئ موقع مجاني و أذا بي أمام شرح مفصل كيف تنشئ موقع و بالفعل حسب شروحاتك المميزة انشئت موقعي الخاص رغم أني لا أفقه غير اللغة العربية و الشكر كل الشكر لك إيتها الفاضلة و أريد منك خدمة آخرى لقد حاولت أدراج موقعي في مواقع نشر للمواقع و لكني لا أفقه شئ في الآكواد المرسلة و إين ألصقها و الى آخره و آخر موقع أرسل لي رساله هذه على الرابط المذكور أرجو ان ترشدني على الطريقة بلغة سهلة و مبسطة لأني مبتدئ
    لك كل الشكر
    و تقبلي فائق الأحترام
    http://www.freeviral.com/members/?page=myUrl
    ReplyDelete
  31. This comment has been removed by the author.
    ReplyDelete

  32. فقط متحلفيش بالنبي بس فعلا حرام بجد عليهم الأذية دي

    ربنا يستر علينا

    تحياتي لك من ماناساس البلد
    ReplyDelete
  33. السلام عليكم
    ازيك يا زينب
    بقولك ايه
    البتاع اللى اسمه اللينوكس دا مش راضى يشغل اى حاجه
    وبعدين الماسنجر بتاعه مش فاهم
    انا بحط فيه مين بسجل فيه نفسى حسب حساباتى ولا بسجل فيه الناس اللى بكلمهم ولا بنيل ايه
    الحقينى ربنا يكرمك
    انا كمان شيلت الويندوز ومحتاس
    هسيبلك ايميلى
    mahana_fnan@yahoo.com
    ReplyDelete
  34. الله يرحم ايام زمان لما كان السكر يزيد شلن كانوا بيعملوا مظاهرات ... دلوقتى الحاجة بتزيد بالنص جنية والجنية وما حدش بيتكلم ...

    مش عارفه الناس حصل لها ايه هما مابيطلعوش فى مظاهرات ليه هو الشعب كله عنده روماتزم ولا ايه مش قادر يمشى فى مظاهرة

    انا لسه ما تصدمتش علشان لسه ما نزلتش السوبرماركت اجيب حاجات الشهر ورمضان ... ربنا يطمنك
    ReplyDelete
  35. يا زيزى يعنى هى جت على دول؟
    ما كل حاجة بلا استثناء غليت
    وبعدين يعنى خلاص ما احنا اتعودنا على كدة ومتوقعين اكتر واكتر
    وصدقينى لو كل حاجة غليت بنسبة الضعف بردو حندفع غصب عن عنينا
    تعرفى ليه؟
    لأنهم نجحوا انهم ييخلونا شعب سلبى عايش وخلاص ومش فارقة معاه اى حاجة فى اى حاجة.
    الصبر من عندك يارب .
    ReplyDelete
  37. ده حرام وكل حاجه بس برده الاسعار عمرها ما هاتفضلت على حد معين وده شئ طبيعى جدا
    بس مش حرام عليهم لوحدهم برده
    ReplyDelete
  38. هوا عاد فيه حاجة تتقال ياستي ..انا لسة واحد امبارح قايلي إن نص كرتونة
    البيض باتناشر جنيه..هوا فيه ايه بالضبط؟
    ReplyDelete
  39. YGGGGكل يوم الاسعار فى زيادة
    طالما مافيش اعتراض
    ولا حتى مقاطعة لاى سلعة بتزيد فى سعرها
    ReplyDelete
  40. بعد اذن بنت مصرية

    دعوة للأطلاع على موضوع ماذا لو

    http://egypt-street.blogspot.com/
    ReplyDelete
  41. Meskeenah!
    In Morocco, prices of some vegetables became high especially tomatoes (mandatory to make our famous harira)and meat.
    Allah Yikuun fi awnina.
    ReplyDelete
  43. تحياتي اخي العزيز كريم واسجل اعجابي لك هنا لما تقوم بة واتمنى التواصل معك
    اخي العزيز اظن انك علمت اني من بغدادكم العزيزة فانا البغدادي حقيقة لقد قمت بأنشاء مدونة جديدة وانا حديث الخبرة في النت والتدوين لكن بنتعلم
    اخي العزيز
    موضوعك الشيق والخاص بالشرح حول التدوين ولكن اواجة صعوبة في اضافة الكود الخاص باضافة مساحة للتعليقات
    انا اعمل لة post -لكن اين اضع الcopeمع تحياتي علما ان مدونتي تحت الرابط www.aliragu.blogspot.com
    ReplyDelete

Subscribe to: Post Comments (Atom)