2/01/2010

لا سحر ولا شعوذة

الشعلقة
أو الأمل بمعنى آخر..
أو وجودك في مساحة فاضية تماما
أيوه هي المساحة الفاضية دي هي السبب
بيسموها بردو فراغ..
شرط يكون الفراغ حواليك عشان يتولد الأمل جواك
والأمل لو جواك دا دليل إن في فراغ حواليك..
ما هو لو مافيش فراغ حواليك يبقى فيه حاجة.. والحاجة دي مش هتخلي في أمل جواك هتخلي فيه يقين..
الأمل بيضيع الوقت، وهو اللي عمل الشرخ اللي في قلبك دا صدقني، وهو اللي عامل تيار هوا.. وجايبلك برد يا خايب.. يا خايف..
فالحل، تقطع عرق وتسيح دمه، أو بلغة أخرى اقطع عليه ميه ونور، ساعتها قلبك مش هيشوف فراغ حواليه وهيموت الأمل..
لو مات الأمل.. قلبك هيرجع يلم
Lable:
Posted by بنت مصرية at 2/01/2010 05:06:00 PM

11 تعليقات:

  1. انا عندى فراغ حواليا ومفيش امل برضه ليه ؟
    ReplyDelete
  2. elkalam da tale3 men dema3' metkalefa
    ReplyDelete
  3. صح يا زينب .. مش زينب برضه ... اصل انا اديلي فترة ماجتش البلوج بتاعك
    بس هل انتي رائيك ان وجود الآمل وحش .. بيتعب القلب ... طبعا بيتعب القلب
    بس هل الحياة ليها معني من غير أمل ... يعني هل نحول حياتنا الي روتين يومي ممل ...
    نرضي بالواقع .. و ننفض
    نغمض و نقفل عيننا
    هو ده حل أريح .. بس أريح في الوقت الحالي ... حلول مؤقته .. لكن بعد وقت هاتظهر مشاكل أعمق بكتير من بتاعة دلوتقي

    يارب ترضي علي تعليقي :|

    روكي
    ReplyDelete
  4. أختي بنت مصرية، أتابع مدونتك باهتمام كبير..لكني سامحيني هذه المرة لم افهم جيدا المقصود
    هناك أفكار كثيرة حصل لها نكثيف في التدوينة
    أو ربما كنت ترغبين في قول الكثير و لكن لسرعة ما .. كتب النص كما هو عليه الآن
    تقبلي كل الإحترام
    ReplyDelete
  5. بدر الحمري، شكرا على تعليقك
    هو مش مقصود من التدوينة غير بس اطلع اللي جوايا، اسفة اذا كان اللي جوايا مش مفهوم، يمكن ليك ويمكن ليا كمان :)
    ReplyDelete
  6. الامل لولاه عليا كنت في حبك ضحية
    انا فاهم كويس طبعا انتي عايزة تقولي ايه و متفق معاكي تماما أن احسن خمس حاجات في الدنيا ثلاث حاجات : الصحة و الستر :)
    إيهاب
    ReplyDelete
  7. حاسة بيكي، ﻷني ساعات بيبقى نفسي أبطل أبقى نفسي.. بس دخلنا في معضلة البيضة والفرخة.. نشيل الفراغ الأول عشان الأمل يبقى يقين.. ولا نبدأ بالقين إن الفراغ ممكن يزول؟

    مش عارفة ليه، فكرتيني بالآيه الكريمة
    بسم الله الرحمن الرحيم
    ذَرْهُمْ يَأْكُلُوا وَيَتَمَتَّعُوا وَيُلْهِهِمُ الْأَمَلُ ۖ فَسَوْفَ يَعْلَمُونَ
    ReplyDelete
  8. اطلعت على موضوعاتك وكلها هادفة وواقعية وبالتوفيق دائما وياريت تزوري مدونتي
    تحياتي
    م.ياسر
    http://friawork.blogspot.com/2010/02/blog-post_6362.html
    ReplyDelete
  9. و ماله نعتبرها تهييس

    بيني و بينك و اعتبريها سر؟؟؟
    كنت فاكر اني بس اللي مش فاهم
    ReplyDelete
  10. اختي الكريمة فعلا التعبير عن ما يختلج بالنفس ليس بالضروري ان ياتي بجمل فيها فعل وفاعل ومفعول به, اوبتعبير اخر, ان ياتي بطريق مفهومة ليس في ابداع بل محاولة مقاربة النفس بايحاء فلسفي قلبا و قالبا, لذلك فلا ارى في خاطرتك غموض او او تناقض بقدر ما اجدها تعبير صادق بلغةتوازي هذا الصدق وان كانت لغة رمزية تستعصي على على القراء الاستكشافية, وتتجاوزها الى القراءة الدارسة, الممحصة التي تنظر الى ما وراء السطور
    ReplyDelete
  11. طيب اكتبى حاجة عن الامل والتفاؤل والحاجات دى
    www.ebnhamada.blogspot.com
    ReplyDelete

Subscribe to: Post Comments (Atom)