6/10/2010

بمناسبة إن الكنيسة زعلانة

فإيه بقى موضوع المحكمة اللي تحكم لصالح المسيحي المطلق إنه يتجوز تاني، حتى لو الكنيسة بتاعته بتحرم ده؟

إيه يعني؟ حد يفهمني؟
هو الراجل المسيحي ده مش راح اتجوز في الكنيسة وبمباركتها؟
جاي عايز ياخد أحكام قضائية تجبر الكنيسة تعمل حاجة هي شايفاها غلط أو خطيئة؟
قال وبنستغرب إن الكنيسة زعلت!!

يعني لو أنا صحيت في يوم من الأيام لقيت المحكمة بتحكم عليا بحاجة ضد شريعة الإسلام، أسمع كلام المحكمة دي بتاع ايه؟
ومش عايزين الكنيسة تتغاظ وتهري وتنكت؟ حد يقول كده يا مسلمين؟

---
معلش أنا بتكلم في الموضوع متأخر حبتين، بس هي الظروف جت كده
Posted by Zeinab at 6/10/2010 11:39:00 PM

14 تعليقات:

  1. لا فى وقتها
    انا اراى ان المحكمه على خطئ وخطى شديد كمان
    القضاء مش اليه دعوه ... يتجوز تانى ولا ثالث
    وبرضه الكنيسه مش اليها دعوه يعنى مثلا عندنا فى الاسلام الواحد لو عمل حاجه خطا
    ايه بنحاسبه بنضربه
    ........
    حاجه اى كلام والله الحكومة دى فاضيه
    ReplyDelete
  2. Thank you for being fair. Unfortunately there is a lot of voices against that simple explaination you made and some took the opportunity to attach us for no reason. I was disappointed cause I was expecting all the Muslim brothers and sisters to support us like you did. Thanks.
    ReplyDelete
  3. http://alnjari.blogspot.com/

    الموضوع اكبر منهـ حكم قضائي الان تطور لموضوع رأي عامـ الكل بيشتركـ فيهـ حتى المسلمين :)
    ReplyDelete
  4. انا من وجهة نظرى ان المحكمة ملهاش حق تعمل كدا دا دين مش لعب عيال
    ReplyDelete
  5. ده على كده ممكن تطلع انه عادي انه الجواز يتم بعد أكتر من تلت طلقات !!
    ReplyDelete
  6. الفكرة يا جماعة إن كلام شنودة مش هو صلب الدين المسيحي الأرثوذكسي القبطي
    المحكمة بتحكم بلائحة 1938 اللي بتسمح ب 9 أسباب للطلاق و كانت صدرت عن المجلس الملي المسيحي وقتها و بقت قانون للأحوال الشخصية للمسيحيين
    اللائحة دي كانت بتحكم بيها كنيسة الأسكندرية من القرن الـ 12 الميلادي يعني من فوق 800 سنة
    و كل الكنائس التانية في مصر كانت موافقة عليها
    جه البابا شنودة سنة 1971 منه لنفسه لغى كل كلام البابوات اللي قبله في الـ 800 سنة اللي فاتت في كنيسته و لغى 7 أسباب من اللائحة و خلى سببين بس هما الزنى و تغيير الديانة
    فهل كل الكنائس التانية من انجيلية لكاثوليكية لأرثوذكسية مش قبطية كلهم غلط و كل بابوات الإسكندرية اللي قبل شنودة غلط و هو اللي صح لوحده
    ReplyDelete
  7. كلام الاخ مهندس مصرى صحيح

    و فى نقطة تانية برضه ان الراجل مرفعش قضية غير لما الكنيسة اعطت طليقته تصريح زواج وحدها و لم تعطه هوه و ده فيه نوع من انواع التفرقة لسبب ما

    اعتقد انه من حقه يحس بالظلم و يطالب بحقه سواء عن طريق القضاء أو غيره و اننا نعرف برضه ان ده ممكن يحصل بسهوله لما يكون القائم على الامر واحد بس و كمان بشر يعنى يقدر يظلم او يصدر قرارات غلط و ده اللى بيحاولوا يعملوه فى الافتاء عند المسلمين انهم يخلوا دار واحدة هيا اللى من حقها يفتى و ده هيسبب مشاكل مشابهه
    ReplyDelete
  9. لأن المكان هنا مكان محترم .اسمحوا لى اقول حاجة ..مش ممكن يكون شنوده غلطان وبيؤلف من دماغة كلام واكتر من 15 مليون ارثوذوكسى هايمشوا وراه عميان ..الكلام اللى بينادى بيه شنوده دا كان معمول بيه قبل سنه 1938 وتم تغييرة فى هذه السنه بناء على قرارات مجموعة الباشوات والباكوات فى ذلك الوقت لتسهيل الحياه ..ناس شافت ان لازم يسهلوا على الناس الدين ..حتى لو كان على خلاف الأنجيل...ومن اراد ان يكون عاقلا بدون تعصب فليفهم الكلام
    ReplyDelete
  10. السلام عليكم

    بنت مصرية مدونتك رائعة والى الامام

    اختك من الكويت
    sun
    www.id-im.com
    ReplyDelete
  11. I'm sorry, did you read the verdict did you know the case, do you know how the system goes on and what's the law and under what basis the court works its verdict out??? I don't guess so, the same thing goes all over the media in Egypt, جنازة يشبعوا فيها لطم...This is Fitna based on ignorance... today the church had stated that they're 18 million and not eight million as it was thought and that they kindly pulled out the Idea of consulting the United Nations to do this work for them...since when do we have a private statistical committees it's not their job and I don't know what's meant by this news either... another thing the Church building issue they say that they need to build more churches to be equal to the Muslim majority... they forgot that the Muslim majority use streets to so their Holy prayers to God when was the last time did we see the Church that is enormous in size full and Christians say their Sunday prayers in the street??? Minorities rule great but denying that that they have their rights to be as corrupted as the corrupted people by having more privilege in the country NO as well as every now and then we hear a christian saying that he had sent to The US a petition or to the UN a complaint because they don't feel comfortable in the country who does feel comfortable in this country??

    They say that they are marginalized in Egypt we must know why and by who and what gives them this feeling our Holidays are theirs and their holidays are ours as well we know their history as they know our religion we both live in the same corrupted country no one ever asked me whether I'm a muslim, christian or even a jew...but that's the obvious case whenever a christian is killed or lost they say they're minorities while thousands are killed every day in this country, they say they demand freedom of religion while every time a muslim demands conversion his family, the church and all the people around him rage... The want a civil country and when the court had judged in a case with the laws and given by the Orthodox church itself and the pope had been living with since ever... and I bet that who'd read this comment would say that I'm a racist but we're forced to that and nothing of what I've said it not supported by evidence that we all know.. I've got close relatives that are Greek orthodox and when they see all what's happening they exclaim...
    ReplyDelete
  12. لو كلامك صح أختى الكريمة فكان لابد إن المسلمين ياخدوا على خاطرهم لإن الدولة دولة تانى مادة فى دستورها أن مصدر تشريعها الإسلامـ , و هناك كثير من التشريعات لا تتوافق مع الإسلام كشريعه.
    و لكن الكنيسة زعلانه , فده شىء غريب.
    عارفه إمته كنت هقول زيك و إيه دخل المحكمه؟
    لو مثلا شنودة كان بمثل تمسكه بمسئلة الطلاق كان أجبر شعب الكنيسة الأرثوذكسية بالحجاب, كمنا يقول كتاب الدسقولية و هو ثانى مصدر للتشريع الكنسى , فى صفحة 27 يقول بالنص " أيتها المرأة المسيحية إن أردتى أن تكونى مؤمنه فغطى رأسك بردائك"
    يعنى الأمر مش مسئلة عقائدية , بل مسئلة سيطرة شنودة على الكنيسة الأرثوذكسية و تكفيره المستمر لباقى الطوائف المسيحية, و حربه ضد أباء الكنيسه و طرده و ملاحقته للأنبا يوأنس , و دعمه لزكريا بطرس و مكارى يونان , و تلك الإنشقاقات التى باتت تهدد الكيان الأرثوذكسى .
    أنا باحث فى حوار الأديان و لى أبحاث فى المعتقد الأرثوذكسى خاصتا.
    و بالنسبه لقضية الطلاق , فيسوع إن كان حدد الطلاق فلم يحرم تعدد الزوجات بل فى الكتاب المقدس كل الأنبياء تزوجوا أكثر من زوجه و يسوع طبقا لمعتقدهم لما حرم الطلاق, كان لأن تعدد الزوجات مباح و هناك طوائف مسيحية عديده مزالت تعدد حتى فى أمريكا فى ولايتى يوتاه و كولورادو خاصتا و معظم كنائس أفريقيا أيضا
    ReplyDelete
  13. شوفى هقولك
    الموضوع مش تعدد زوجات لالالا
    الموضوع ان الراجل ده الكنيسة حكمت له بالطلاق
    واسمه مجدى ويليم وكان متزوج من الممثلة هالة صدقى
    وبعد ما الكنيسة وافقت على الطلاق
    تقدمت هالة صدقة بطلب تصريح بالزواج للمرة الثانية
    والكنيسة وافقت على طلبها
    ولما مجدى ويليم حب ياخد تصريح بالزواج الكنيسة رفضت
    فاتجه للمحكمة
    اولا مفيش فى الكنيسة حاجة اسمها طلاق الا لسبب واحد بس وهو الزنا وده مستحيل تحقيقه تقريبا
    لان الزوج ممكن يدخل ويشوف مراته بتزنى والعشيق يهرب ويتجه الزوج للكنيسة ويطلب الطلاق لعلة الزنا فالزوجة هتقول محصلش وتنكر وبكده الراجل ده هيخطب راسو فى الحيط وهى هتقف تطلع لسانها
    الموضوع طويل عريض كبير
    محتاج شرح كبير
    انا ولله الحمد مسلمة ولكن عملت دراسة فى مقارنة الاديان
    ReplyDelete
  14. للاسف انتى بتسطحي الموضوع

    1- لائحة 1939 بتقول ان فيه اسباب تانية للطلاق غير الزنا و هذه اللائحة لم يضعها المسلمين بل و ضعها المجلس المللى المسيحي وقتها
    لا طلاق الا لعلة الزنا هو تفسير البابا الحالى
    و هو يشبه رأى بعض اعلماء المتأثرين بالوهابية و الذين يفتون بفرضية النقاب

    2- الكنيسه و عن طريق بوتيكات حقوق الانسان التابعة لها من تحت لتحت مثل جمعية نجيب جبرائيل و ممدوح نخلة و غيرهم هم من صدعونا بوجوب حذف المادة الثانية من الدستور و بالدولة المدنية
    و المفارقة الان انهم من يناقضون ذلك لان الدولة المدنيه من اهم اسسها هو احترام الاحكام القضائية
    ReplyDelete

Subscribe to: Post Comments (Atom)