8/14/2011

نحن في زمن المجلس العسكري

بصي يا مصر،

أنا بشهدك وبشهد التاريخ أهو.. انتو الاتنين قاعدين على كنبة واحدة سامعين وشايفين كل حاجة وانا مش هكدب عليكو

الحالة بعد الثورة وحشة أوي، الحالة الاقتصادية يعني. الحال نايم وقطاعات كتيرة حصل فيها كساد زي السياحة والأسعار مولعة نار والناس مش طايقة

وإن جيتو للحق وقف الحال ده سببه واحد، واحد بس.. المجلس العسكري

أيون، وربنا كلمة حق اتحاسب عليها قصاد رب كريم يوم لا ينفع فيه الندم.. المجلس العسكري هو سبب وقف الحال ده. لو الظرف كان مختلف كان اللي مسك مصر بعد الثورة على طول عمل انتخابات برلمان وانتخابات رئاسة وجه رئيس بقى يخطط ويبني نهضة مصر الحديثة ويجيب حكومة تاخد قرارات مصيرية وتنفذها

اللي حاصل دلوقتي، ان شاء الله تعدموا ضحكتي من على وش الأرض إن كنت بكدب، إن المجلس العسكري بقالة ست شهور ماسك البلد ولحد دلوقتي مافيش انتخابات، ولا نظام جديد ولا عصر جديد ولا عهد جديد .. نحن في برزخ

برزخ ضيق وبيضيق كل يوم عشان الحكومة الانتقالية خايفة تسير الأعمال لأنهم عارفين انهم مؤقتين، والمؤقت طبيبعي مش عايز يبقى مسئول ومتعلقة حاجة في رقبته

المجلس العسكري لاعب في الساعة وموقف العقارب قال يعني بيجهز للعصر الجديد براحته، بس الزمن مابيقفش بوقف العقارب .. الميكانيكا العسكرية دي مابتأكلش عيش ولا بتدي مرتب ولا بتمشي مرور ولا بتستر حال

حالنا بقى يصعب ع الكافر والسبب المجلس العسكري والبرزخ اللي موقفنا فيه ده

يرضيكي كده يا مصر؟ يرضيك كده يا تاريخ؟

ماتعرفوش نائب عام يعرف ربنا أقدم له بلاغ اشتكي المجلس العسكري بوقف عجلة الانتاج؟

19 comments:

  1. الحياة البرزخية

    ReplyDelete
  2. قوليلهم ونبي ياشيخة
    ربنا يخليكي

    ReplyDelete
  3. فعلا ناس كتير مصالحهم وقفت .. منهم واحد صاحبي كان فاتح مشروع طباعة وتغليف و بقي شغال اقل بكتير من قبل الثورة .. لازم ننجز ونخلص المرحلة دي قبل ما الخراب يطول الكل

    ReplyDelete
  4. نحن في برزخ
    وحدوا الله
    اشوف جنازته معديه مافيش كلب ماشى وراه اللى خلانا فى برزخ الاهى يتبرزخوا لوا لوا ومشير مشير

    ReplyDelete
  5. الله يحمي مصر و اهلها, و يغير الحال لأحسن منه, و الرجال اللي اسقطوا مبارك مش صعب عليهم يبنوا مصر الحديثة

    ReplyDelete
  6. قريبا سيتم اختيار رئيس لمصر فهل تتصوري ان الحال سينصلح كما نرغب هيهات هيهات لاننا خلاص دخلنا زمن الفوضي الخلاقة الامريكيية والايام بيننا وسنري

    ReplyDelete
  7. ربنا معكم..اتمنى ان لا تضل الثورة طريقها في مصر..
    ولايكفي ان نعيش الربيع بل يجب ان تفضي الثورة الى موسم الحصاد...
    الله يوفقكم

    ReplyDelete
  8. أنا موافقك الرأي في حاجات كتير قلتيها بس ما ننساش برضه إن زي ما قلتي دي فترة مؤقتة يعني كله خايف يعمل حاجة و يشيل مسئوليتها يا رب بس ما تتأجلش الإنتخابات أكتر من كده لأن إحنا فعلاً في أمس الحاجة ليها دلوقتي.

    ReplyDelete
  9. مجدى السعيد9:49 AM, August 27, 2011

    المشكلة ليست فى طول المدة ز المشكلة أن هناك اصلاحات كثيرة كان ممكن انجازها خلال هذه الفترة حتى مجئ الرئيس الجديد وخلافه ، ولكنهم لايقومون باصلاحات تناسب الروح الثورية

    ReplyDelete
  10. ايه يا زيزى ايه ياجماعه مال المجلس العسكرى ومال اللى بتقولوه السبب الوحيدفى التاخير الاعتصامات اللى كانت مفكرة ان الحكومة والمجلس العسكرى ف ايديهم عصا سحريه انشاء الله تتم الانتخابات على خير ويرجع المجلس العسكرى مواقعه لحماية مصرنا الحبيبة واللاعاجبكم اللى عامله الجيش السورى بالتضامن مع الحكومه والقيادة السياسيه مع الشعب الاعزل المسالم عجبى


    laila

    ReplyDelete
  11. كلامك صحيح و لكن يجب أن نلوم أنفسنا قبل أن نلوم الآخرين ... يعنى نسأل أنفسنا ماذا فعلنا نحن بعد ثورة 25 يناير .. روحنا البيت و جلسنا على الكنبة و فضلنا نلطم الخدود و نشق الجيوب و نولول و كأننا لسنا أصحاب حق ... وكلنا من وكله مبارك !!! لقيادة الثورة .. نحن الشعب الذين أخطأنا لأن المجلس العسكرى هو ذراح مبارك العسكرى و حينما أمر مبارك الجيش بالنزول للشارع لم يأمره بحماية المتظاهرين بل أمره بضرب المتظاهرين لأن الشرطة لم تستطع ذلك و لكن الجيش وجد نفسه فى مواجهة ملايين فى كل محافظات مصر و قيادة الجيش ( المجلس العسكرى ) علمت أن هناك تململ فى القيادات الوسطى للجيسش و خافت أن تقوم بإنقلاب فآثرت السلامة حتى لا تضيع فى الطوفان و لم تقف مع الثورة كما يقول السذج من الشعب المصرى ... لذا يجب أن يتجه جهدنا الآن لتصحيح ذلك الخطأ بتبصير الناس بحقوقهم و وجباتهم .. بإعادة تثقيف الناس بأن لهم حق أن يعيشوا بكرامة و حرية ... يجب أن نعلم الناس أن لهم الحق فى محاسبة الحاكم أيا كان و مهما كان و إزاحته عن سدة الحكم إذا لزم الأمر ... لقد قمت بعمل مدونة باسم ( ثورة مصر 25 ) لأساهم فى عمل ذلك و ها أنا أدعوك و أدعوا الجميع بأن يكون جل عملهم فى إعادة تثقيف هذا الشعب الذى ظل يُغذَى طوال 60 سنة بثقافة الخوف و الرعب ... بثقافة تأليه الحاكم .. بثقافة اللى نعرفوا أحسن من اللى منعرفوش ... بثقافة اضربنى بالكرباج علشان أسمع الكلام و ألتزم بالقانون ... ثقافة عشق المذلة و المهانة بحجة المحافظة على الإستقرار ... بثقافة الرضى بالعيش فى العشوائيات حتى أصبحت حياتنا كلها عشوائيات فى الصحة و التعليم و الثقافة و السينما و المسرح والسياسة ... ثقافة أن الحاكم أب للجميع فلا يجب مناقشته فى أى أمر ... هذه الثقافة يجب أن تتغير يا سيدتى بمساهمتك بفاعلية و وجهى كلامك كله للشعب و لتكم كلماتك كلمات إرشادية تعليمية تثقيفية للشعب و اجعلى القليل القليل نقدا للحاكم لأن الحاكم مهما كان لن ينظر لكلماتنا تجبرا و تكبرا ... لذا علينا إيجاد شعب يقول للحاكم لا ... شعب يعرف أن الحاكم خادم له ... شعب يعرف أنه صاحب الحق فى هذه البلاد ... شعب لا يقبل من الحاكم إلا أن ينفذ إرادته و إلا فعليه أن يترجل ... إذا أوجدنا هذا الشعب فلن نصرخ وحدنا أنا و أنت و القليل معنا فى فضاء سحيق لا يسمعنا فيه أحد و تكون الغلبة لمن حكم .
    www.thawretmisr25.blogspot.com

    ReplyDelete
  12. My heart is beeding for what is happening in Egypt. It ooks to me and to al Egyptians living here in Californina, that the Embassy chaos was orchestrated by the military and Mubarak's thugs. What is coming is worse than what we had until now. I hope all young people who joined on January 25 to keep the pressure because this is our only hope to save Egypt.

    ReplyDelete
  13. بالتوفيق والسداد
    تحيتي ومودتي

    ReplyDelete
  14. والله انا من وجهة نظري المجلس العسكري مش دي شغلتوة ومينفعش كل شوية نلوموة عشان هو مش شغلته شؤؤن البلاد هو شغلته الحدود وهو كفاية عليه اووي كده ويشكر اننا مقلبناش زي سوريا ولا اليمن
    لازم نهدي شوية عليه
    شكرا

    ReplyDelete
  15. مع إن في الأول كانت الناس اللي عايزة تقول لا على تعديل الدستور بيقولوا فيها أيه لما نقعد من غير انتخابات وهما دلوقتي اللي بينادوا بتاجيلها وهما بردوا اللي عمالين يعطلوا كل حاجة بتمشي ومتصبش في مصلحتهم.

    ReplyDelete
  16. هلا بنت مصريه

    دووما كم انتي رائعه تدويناتك

    واصلي لم انسي تدوينتك عام 2005 عندما قلتي
    نريد زعيم بطل ها هي الحريه ستولد مائه بطل
    ها قد عدت للتدوين مع الحريه بعد مشاغبات امنيه

    ReplyDelete
  17. اللهم أنى أستودعتك مصر..♥ رجالها و شبابها .♥.

    نساءها و فتياتها .♥. أطفالها و شيوخها .♥.

    اللهم أنى أستودعتك ممتلكاتها و مبانيها و منشآتها .♥.

    اللهم أنى أستودعتك نيلها و اراضيها و خيراتها .♥.

    اللهم أنى أستودعتك أمنها و أمانها و أرزاق اهلها .♥.

    اللهم أنى أستودعتك حدودها و بحورها و جنودها .♥.

    فأحفظهم بحفظك يا من لا تضيع عنده الودائع و أنت خير الحافظين .

    ReplyDelete