أدرس اللغة الفرنسية هذه الأيام. أتابع مرتان من كل أسبوع دروسا في تلك اللغة التي طالما تمنيت أن اتعلمها.
بدأت أيضاً في متابعة القناة الخامسة الفرنسية، اعرف انها خطوة سابقة جدا، وأني بالطبع لا أفهم أي كلمة مما تقال سوى التحيات. ومع ذلك عندما اسمع أي كلمة اعرفها، أرددها بسعادة بالغة. عامة، اتابع القناة كي اتعود على سماع اللغة.. ولأنها تعرض افلاما مترجمة للعربية أحيانا.. ولدي هذا الأمل أني سأفهم ما يقال يوما ما وحدي.
ابحث أيضا عن صفحات تعليمية على الانترنت، اعتقد ان صفحة اللغة الفرنسية التابعة لل BBC مفيدة جدا للمبتدئين أمثالي. وهناك أيضا قاموس فرنسي انجليزي ناطق على الانترنت يمكنك مثلا ان تسمع كيف تنطق كلمة Bonjour وأحمل مواد أخرى من التورنت ربما تفيديني من أجل نطق صحيح.
وفَعّلت الفرنسية على جهازي، وانزعج لأن بعض الحروف تختلف عن مكانها في الانجليزية لكني سعيدة جدا لأني استطيع أن اكتب é, è, ç, à
واحارب الوقت كي انتزع منه مساحة للمذاكرة، وهي لو تعلمون ممتعة.
وازعج زملائي واصدقائي في العمل من الذين يعرفون الفرنسية، فاردد على مسامعهم ما اخذه في اليوم السابق، او اطلب من احدهم تكرار كلمة ما استصعب نطقها، ابدو كالأطفال متشبسة باللفظ ومراقبة لحركة الشفتين ، ومرددة كالببغاء وأكون سعيدة جدا عندما يسألوني عما اصبحت اعرفه اكثر فأقول لهم مثلا، أيام الأسبوع بالفرنسية أو Les Jours De La Semine
تجربة تمنيتها وها أنا سعيدة جدا بالخوض فيها. أرى أني استوعب جيدا، واجتهد في المتابعة وامنع نفسي من التكاسل و الانقطاع - حسنا، تغيبت مرة واحدة - لكني اجتهد في المتابعة.. ذلك أن الحب يدفعني.. وانا أجيد التعلم في تلك الاجواء التي يهيئها الحب. فأنا لست مضطرة مثلا لتعلم اللغة الفرنسية لأجل العمل أو الهجرة كما استعرض اغلب زملائي في "الكلاس" أسبابهم وهي أسبب لا أقلل من أهميتها. الحقيقة أني لم اصرح بأسبابي عندما سألتنا معلمتنا العزيزة في أول درس عن أسباب رغبتنا في تعلم اللغة الفرنسية.. كالعادة عندما أشعر أن اسبابي لن يستوعبها الأخرون، أو لن يتفهمونها لا أقولها، احتفظ بها لنفسي واجعل السؤال يمر من أمامي بلا مشاغبات. ربما يبدو في ذلك شيء من الاساءة لتقديرات الأخرين، لكني مررت بغير تجربة تجعلني اسكت عندما تكوني أسبابي غير معتادة.
فلو أنك مكاني، هل تستطيع أن تسرد أسباب مثل:
- أذنيك تستمتع بمجرد سماع حديثا بها.. وتمني لو انك تفهم
- عينيك تستفز عندما تصطدم بنص فرنسي -والفرنسي دون غيره- فلا تستطيع فك طلاسمه رغم أنك تعرف تلك الحروف جيدا
- قرأت روايات عربية تدور أحداثها في فرنسا، فاصبحت فرنسا بلداً خيالية.. والبلاد الخيالية بلاد حلوة دائما
- قرأت عن رفاعة الطهطاوي وقاسم أمين ولهما، وتعرف أن اللغة الفرنسية لها أثر على روحيهما.
- تتمنى ان تقرأ كتبا بالفرنسية.
- تريد أن تتابع الحضارة/الثقافة الفرنسية بلا حواجز..
- تعتبر أن تعلم اللغة الفرنسية خطوة جيدة في مشروعك الخاص ببناء نفسك. وتعتقد أن هناك أشياء يجب على الانسان أن يعرفها قبل أن يغادر هذه الدنيا، والفرنسية من ضمنها.
انصحك، لا تردد تلك الأسباب إلا لمن تعرف انهم يعرفونك ويعرفون كيف تفكر، ولا تخوض في محاولة شرح تلك الاسباب اذا ذلت لسانك ورصدتها امام من لا يعلمون، لأن من لا يعرفونك سينظرون لك على انك، اما طفل ساذج او فيلسوف سفسطائي، وهي اتهامات ستضحكك لانها سطحية وتؤلمك لأنها توصمك.
* عنوان التدوينة على اسم مكان -مقفول بصراحة- في شارع خلفي وانت مروح من شركتنا ع المترو كده :) ومعناه بالعربي: صباح الخير يا باريس
هي ممتعة للأذن
هي ممتعة للأذن جداً . كأن الواحد بيسمع نغم مش لغة . ودة لوحده سبب كافي لتعلمها
مش كده بردو :)
مش كده بردو :)
مبروك مبروك!
مبروك مبروك! ومرحبا في نادي محبي - وقريبا مجيدي - هذه اللغة الجميلة فعلا :)
أما أسبابك للتعلم فلا أرى فيها ما يدعو للخجل. يا ترى بتاخدي الدروس فين؟ لو في مركز المنيرة قوليلي ايه اخبار مكتب EduFrance لاني اشتغلت فيه سنة قبل ما اسافر :) والمكتبة جميلة جدا بتاعة المنيرة. كمان فيه دار عرض سينمائي لطيف.
نصيحتي بقى انك تنقي كام اغنية فرنسية حلوة وتشوفي كلمات الاغنية وتتعلمي الكلمات. هتلاقي نفسك بتسمعي الاغنية وانتي فاهماها. انا اتعلمت الفرنساوي كده، او يعني ده ساهم في تعلمي.
عندك بس غلطية صغيرة في جملة ايام الاسبوع. الصح de مش du :)
هو مركز المنيرة
هو مركز المنيرة :)
الله يبارك فيك يا شدو، وميرسي ع التصحيح.. هصلحها، كانت بس غلطة كتابة ;)
ايه مكتب EduFrance ده؟
انا لسه ماروحتش المكتبة، بس ناوية، ودار العرض كمان.. الجميل انهم بينزلوا اجندة فيها كل الفعاليات اللي المركز، المركز اصلا تحفة سواء ناس او مكان اوسلالم خشب :)
ان كان ع الاغاني، انا بسمع، معرفش كتير بس اهو رشيد طه بياخد بإيدي
الاسباب بأه، مكنتش فعلا مقتنعة لبعض الناس لما قلتهالهم، وبالتالي بقيت ماقولش الاسباب خالص..
بالنسبة
بالنسبة للأغاني عليكي وانريكو ماسياس، ده مطربي المفضل بين كل المطربين عرب او اجانب (http://mshedou.blogspot.com/search/label/Enrico%20Macias)
مكتب EduFrance ده القسم المسؤل عن الدراسة في فرنسا. فيه معلومات حلوة. ممكن تبقى تبصي عليه وتاخديلك كام كتالوج للجامعات في فرنسا (لزوم التحنيس عشان نندم على العمر اللي قضيناه في التعليم المصري!). على ايامي كان لهم مكتب صغير كده لازق في المكتبة على طول.
المكتبة بقى ممكن تستعيري منها اغاني وشرايط فيديو كمان. اكيد بقى فيها دي في ديز دلوقتي. لازم تشتركي فيها هي تحفة فعلا. ولما تشتركي بتدخلي دار العرض ببلاش، يعني سينما ببلاش. خدمات جميلة جدا وده كان من الاماكن المفضلة عندي في القاهرة :)
اسبابك اكتر من
اسبابك اكتر من مقنعة بالنسبالي ويمكن هي نفس الاسباب اللي مخلياني عايزة استأنف علاقتي القديمة بيها واللي استمرت سنين قبل ما يفرقنا الزمن
بس اخلص من اللي انا فيه بس
bonne chance mon amie
اسباب
اسباب وجيهه
حصدت فى هذه اللغه 29 درجه من اصل 30 فى الثانويه العامه ، ومع ذلك لم احبها يوماً وانا عامه لا احب اللغات رغم انى مضطر الأن فى عملى للتعامل بثلاث لغات انجليزى / فرنسى / تركى واجيد الأولى وبضبش فى الأخرتين
تمنياتى بالتوفيق ودوام العزيمة والف مبروك على نشر موضوع ما وراء الطبيعه فى كتاب مدونات مصريه للجيب
اول زيارة ليا ..
اول زيارة ليا .. الحقيقة انا باعرف فرنساوي كويس وقلت افيدك بموقع جميل لسماع النشرة الفرنسية بلغة مبسطة.. وهو موقع راديو فرنسا الدولي
www.rfi.com
ويا ريت لما تتعلمي فرنساوي كويس تقرأي كتب زي الامير الصغير بلغته الام وهو مش صعب قوي على فكرة الترجمة العربي اللي عار بصراحة لا تعكس اي حاجة من الكتاب الجميل ده
حظ موفق والمرة الجاية هاديك شوية مواقع بالفرنسية للتعلم الذاتي- ان شاء الله !!
تحياتي
زيانور
متشكرة جدا على
متشكرة جدا على اللينك :) وهستنى المرة الجاية
حلوة قوي البوست
حلوة قوي البوست ده ... أنا ابتسمت كده ابتسامة كبيرة عشان طول عمري نفسي أتعلم فرنساوي لأسباب مشابهة جداً لأسبابك
:):)
good luck in your study my dear
Dido.. great minds think
Dido..
great minds think alike :D
السلام عليكم و
السلام عليكم و رحمة الله و بركاته
أهلا أختى العزيزة زينب
أرجو أن تشاريكنا على هذا الرابط
http://teenage-girls.crazy4us.com
معظمنا فيه مصريات مثلك
ما زال فى بدايته لكن يمكننا نحن أن نجعله فى منتهى النشاط
و كل منا يبذل أقصى ما لديه
ننتظر ردك و مشاركتك معنا
و أوجه لكى إحترامى عن إجاباتك فى صفحة عنى التى تظهر تدينك و سأكون فى غاية السعادة لو شاركت معنا
فى رعاية الله
أولا أهنئك على
أولا أهنئك على تعلم الفرنسية بحماسة أفتقد إليها
على أن أتعلم الفرنسية أيضا لكن بسبب الدراسة
و أسبابك للعلم أكثر من رائعة و منطقية جدا
بالتوفيق لكى بإذن الله
C'est tres bien. Le francais
C'est tres bien. Le francais est bon
I can teach you some Finnish too :P
C'est très joli.. tu es
C'est très joli.. tu es gentil.. hat3lmni emta? :D
انت سبقتيني ،
انت سبقتيني ، كان نفسي اكتب تدوينة شبه التدوينة دي كده من فترة ولسه عندي أمل يعني أكتب واحدة شبهها ، بصراحة انا نفسي اتعلم الفرنسية والسبب تقريبا قريب الشبه بما ذكرت من أسبابك .
تأثر ايضا الأديب الرائع مصطفى لطفي المنلفوطي بالأدب الفرنسي وتقريبا كل ترجماته التي أعشقها هي ترجمات عن الأدب الفرنسي الرائع ، كما انه بلا شك نحن نتعلم لغة عرف أن اهلها دائما ما كانوا ملاصقين لأكبر وأهم الأحداث الفنية العالمية وهي لغة لشعب عريق بتقاليده وأعرافه وحتى طعامه ، وربما هناك المزيد من الأسباب التي لا أذكرها الآن .
سأبدأ قريبا في تعلم اللغة ، هل لديكم أي معلومات عن أفضل المعاهد أو المراكز بالأسكندرية ؟
بص، هو انا باخد
بص، هو انا باخد في المركز الثقافي الفرنسي بالمنيرة، فيه ليه فرع في اسكندرية كمان دا لينك ليه http://www.ambafrance-eg.org/cfcc/rubrique.php3?id_rubrique=115
كل ما ذكرتيه من
كل ما ذكرتيه من تفصيلات صغيرة مبهرة وهذا الاحساس لمسته عندما كنت أعد من واحد لعشرة بالألماني لأول مرة
ولكن التحية الحقيقية لاسبابك الرائعة والمنطقية جدا والتي نمر بها أيضاً دون أن نتوقف عندها
وكذلك على النصيحة بأن لا نبدي اسبابنا هذه إلا لمن يتفهمها وإلا سنتعرض للسخرية
وهذه نصيحة أشكرك عليها
كل ما أستطيع أن
كل ما أستطيع أن اتذكره عن اللغة الفرنسية هي درجتي في المرحلة الأولي من الثانوية العامة منذ 7 سنوات وهي 49.5 من 50
كنت قربت جداً من أتقانها وقتها بس الثانوية العامة والجامعة إلى الآن كانت كفيلة بجعلها في النسيان
إن شاء بالتوفيق في رحلتك للتعلمها :)
Bonne
Bonne journée.
Félicitation. la langue française est une langue romantique, faite pour la poésie et les mots d'amour. malheureusement elle est envahie par l'argeot de la nouvelle génération de tous les origines du monde; en France, les vrais français sont devenus rare et cette merveilleuse langue est torturer par les mots vulgaires introduites par cette génération.
يومك سعيد.
مبروك. اللغة الفرنسية لغة شاعرية كأنما جعلت من أجل كتابة الشعر و التعبير عن العواطف. ولكن للأسف فقد أستهدفت بعبارات دارجة ركيكة صناعها أفرادالجاليات الأجنبية من جميع أنحاءالدنيا; ففي فرنسا الفرنسيون الحقيقيون أصبحوا عملة نادرة وهذه اللغة الرائعة تتحمل التعذيب بالعبارات المبتذلة المضافة إليها.
فرنساوي مرة
فرنساوي مرة وحدة..، حتزحمونا عليها ههه
و الله أنا حعمل عليك أستاذ، لكن استحمليني شوية.. أظن أنكم اقريتو majuscule و minuscule إن كان نعم ف باريس بتكتب Paris ب majuscule فالحرف الأول لأنها اسم مكان.. مثلها مثل اسمك بيتكتب Zineb بحرف كبير فالأول لأنه اسم علم.. أنا بعرف أنك حتقولي ذا اسمي مبتكتبش كدا.. لكنه هكذا يكتب عند الفركفونين..
على العموم أي مساعدة أنا رهن إشارتك.. يكفي مراسلتي على الإميل..
bonne chance
لغة لا أميل لها
لغة لا أميل لها كثيرًا؛ لكن لا يسعني سوى الاعتراف برقيها وموسيقية حروفها؛ خصوصًا إن خرجت من فم يقدر خلفية الحضارة والمعرفة التي تستند إليها.
وفقكِ الله، فقط أردت تسجيل إعجابي الأول بالمدونة منذ بداية متابعتي لها منذ فترة طويلة.
:)
عديت تاني علشان
عديت تاني علشان اقول لك ان الموقع كتبته غلط والصح هو ده:
www.rfi.fr
وفيه موقع راديو كندا الدولي وفيه حاجات كمان مفيده:
http://www.rcinet.ca/rci/fr/
وممكن تكتبي في محرك البحث زي جوجل:
apprendre le francais
هتلاقي مواقع كتيره جدا فيها السهل والمتدرج الخ وفيها تمارين وصوتيات ..الخ
بالتوفيق والمرة الجايه ربنا يسهل واكتب لك موقع تاني (:
زبانور
مبرووووووك وان
مبرووووووك
وان شاء الله بالتوفيق وتكونى من المجيدين فى اللغة الفرنسية وغيرها من اللغات
بس بجد انتى عجبتينى انك بتحاولى بكل جهد انك توصلى لحاجه انتى حباها وده يمكن يكون مثل لينا اننا نحاول مره واتنين وتلاتة لغاية ما نوصل لأهدافنا
تحياتى ليكى
رئيس جمهورية اسوان العربية
وياريت تشرفينى فى المدونة المتواضعة بتاعتى
الفرنساوي
الفرنساوي والخط العربية حاجتين ليهم تأثير موسيقي داخل نفسي الفرنساوي اساسا لغة موسيقية اقرى الجملة دي كدة du juce du citron دي معناها عصير الليمون ان لم تخنى التهجئة قوليها باي لغة تانية مش هتديكي الرنة بتاعة الحروف دي
الفرنساوي مشكلتي معاه حاجتين انه غالى جدا عليا
تاني حاجة لو اتعلمته همارسه فين ... كان هدف من اهداف حياتى انى اروح فرنسا لكن متهيالى الهدف ده مع الوقت عمال يجيله غرغرينا وهضطر في يوم من الايام اقطعه عشان يعيش باقى اهدافى
والخط العربي بلاقى مشكلة في تعلمه واللي بيعرض تعليم الخط بيعرض انو يعلم اطفال وكأننا طلاما بقى عندى 20 سنة يبقى بقيت شحط لا ينفع معه التعليم
ولكن مش هتنزال عن الخط ده ابدا وتظل ال تي في سينك مصدر متعة رهيبة ليا الى الان
وشكرا لانك سمحتيلي اقول الكملتين دول مكنتش هعرف اقولهم دقام اي حد
سلام
خطوه مستقبليه
خطوه مستقبليه اتمني ان الحقك بها لو بعد حين
اذكر بعض ما قيل
ان الانجليزيه لغه العمل
اما الفرنسيه فلغه الكلاس :-)
تحياتي -والي مزيد من التقدم
انا مش حعلق علي
انا مش حعلق علي موضوع اللغة الفرنسية بعينها, هي لغة طبعا ساحرة و اللي يطرب بيهاو يستطعمها بلا شك انسان جميل و بيفهم في الجمال , بس انا عايز اقول يا بختكوا ياللي قاعدين في مصر دلوقتي و شغالين في شركات بلدكم و بتمارسوا هواياتكم في تعلم الفرنسية او اي لغة او اي مجال سواء علم بيزنس ادارة عايزين تلتحقوا بكورسات فيه بتلاقوا الوقت و المكان و التشجيع كمان, انا علي فكره مهندس مصري خريج عين شمس كان حلم حياتي اني اعيش و اتقدم و استقر في بلدي و امارس هواياتي من حبي للرياضة و العلم و التحقت فعلا بالدراسات العليا في جامعتي و كنت مغرم قوي بتعلم اللغات انجليزي و فرنساوي بس كل ده اتجمد من سنين لإني اخترت الفلوس بس, مع اني دلوقتي في احسن بقعة في الارض في مكة المكرمة و شغال في احسن و اشرف مشروع يتمني اي زميل انه يشارك فيه ولو لحظات و هو توسعة الحرم الشريف , إلا اني مفتقد بشدة مناخ العمل و ستايل الحياة في مصر و نفسي فعلا ارجع و احيي حماسي من جديد في التعلم و تطوير امكانياتي, متتخيلوش اد ايه ان انا نفسي انزل الصبح من بيتنا و اركب الاوتوبيس النقل العام طبعا ابو ربع جنيه (ده لو لسا فيه ربع جنيه اصلا) و اروح الشغل و اناكف في زمايلي و يناكفوا فيا بس بحب مش زي المناكفة اللي بين المصريين في الغربة اللي تقطع العيش و تخرب البيوت علي طول, و اخلص الشغل و انزل اروح اتغدي و اريح شوية و بعدين انزل بقا اشوف نفسي يوم العب رياضة يوم احضر ندوة يوم ادخل سينما يوم احضر كورس في اي حاجة يوم اقعد مع صحابي علي القهوة يوم يوم يوم و ما اكثر الايام في مصر. اسف اني طولت عليكم بس ده من كبتي حاسس ان العمر بيجري بيا و انا داير في ساقية القرش بدون اي جديد, الايام عندي كلها زي بعضها لا بتعلم حاجه جديده ولا بحس بإحساس جديد وهك>ا يمضي قطار العمر....
مساء الخيرات
مساء الخيرات بنت مصرية
اعذريني دي أول مرة أعلق على أحد تدويناتك المميزة
واعذريني ان التعليق ملهوش دعوة بمضمون التدوينة
لكن مش قادرة يافندم :)
حبيت أحييكي على التصميم الرائع..
ألوان جميلة، مليانة بالحياة وكمان كلها رقي
كمان تصميم موقع مصارحة ومصالحة.. جميل جداً...
بحييكي، ماشاء الله
تحياتي
منار
السلام
السلام عليكم
بجد برافو عليكى انتى بدأتى مشوار الالف خطوة وربنا يوفقك كمان وكمان
انا اول مرة افتح مدونتك وكنت فتحت القديمة
ولقيتك كاتبة انك عملتى الجديدة دى فرحتلك اوى
ويا ريت تقبلينى بقى صديق ومدون معاكم نوصل كلنا الرساله التى ننول بها رضى الله تعالى عنا
وبالنسبة لموضوع اللغه الفرنسية
انا والله نفسى اتعلمها من زمان اوى وانا زعلت اوى انى مدرستهاش فرض على فى المدرسة
بس ربنا اراد كده
بس انا نفسى فعلا ادرسها كويس عشان اان بحبها اوى وكمان الواحد يبقى معاه على الاقل 3 لغات كده عربى وانجليزى وفرنساوى
معلش طولت عليكى وخدت من وقت كتير
يا ريت تزورى مدونتى هى على قدها كده بس ربنا يسهل بقى
www.sademperror.blogspot.com
تعلـيق