من كام يوم في الشغل، جت سيرة الزمالك والأهلي، ومين فينا زمالكاوي ومين فينا أهلاوي..
زمان الموضوع دا كان ممتع، ويضحك، انما دلوقتي.. لو قعدت مع كام واحد هتلاقي أغلبهم أهلاوية، ولو حد زمالكاوي هيقولها بصوت واطي، او هيسكت او يقول ماليش في الكورة. ما هو بردو الأهلاوية مابيسكتوش، لو ظبطوا واحد زمالكاوي وسطهم بيطلعوا عليه خيبة ناديه، وذنب اللاعيبة اللي بيشجعهم.
أنا زمالكاوية، وأيا كان سبب انتمائي، ماظنش ابدا اني هقدر اتخلص من احساسي بإني زمالكاوية، زمالكاوية حتى لو مش بفهم في الكورة.. طيب اذا كان الزمالكاوية دلوقتي، نفسهم مكسورة ومش عارفين ناديهم هايجبها لبر امتى، وبقوا في اي قعدة كورة يقولوا يا حيطة داريني، ومش قادر انه يحول انتمائه وحماسه لنادي تاني.. لانه عارف ان دا مش بإيده وان دا بقى في الدم خلاص..
الزمالكاوية كتير.. كتير جدا، بس مش بيتسمع لهم صوت دلوقتي، مكسورة نفسهم ومش مستعدين يدخلوا في مهاترات مع الاهلاوية وهما عارفين كويس ان ناديهم كاسفهم.. سواء خساير او هزايم متوالية قصاده العدو اللدود.. او فضايح ادارية او المصيبة اللى اسمه مرتضى منصور.
طيب اذا كان الزمالكاوية الحاليين هيفضلوا زمالكاوية الى الابد، مش هيقدروا يغيروا انتمائهم واحساسهم الداخلي بإنهم زمالكاوية.. واذا كان فعلا لازال عددنا كبير.. لكن مين يضمن ان العدد ده مايتدهورش مع الاجيال الجاية!!
الجيل الصغير اوي ده اللي لسه بيحدد هينتمى لمين.. ايه اللي يجبره ينتمى لنادي بيخسر طول الوقت؟؟ ايه اللي يجبره ما ينتميش للأهلى البطل الفائز دائما واللي بيجيب له بطولات كل سنة. لو اب حب يقنع ابنه انه يكون زمالكاوي.. الولد هيحسبها يلاقيها قضية خسرانه، هو الزمالك كان قدم له ايه عشان يهتف بإسمه، ويعلق صورته جوه قلبه
احنا، خلاص مش احرار.. بحبنا وانتمائنا للزمالك، لكن الجيل الصغير لسه حر ولسه يقدر يختار،
نهايته.. اذا دلوقتي بنبص تحت رجلينا اننا مكسوفين نعلن اننا زمالكاوية.. فالمستقبل مش هيلاقي فيه اي زمالكاوية اصلا.
يازمالك لسه
يازمالك لسه عددنا كتير :)
قعدت اكتب كلام ياما ومجعلص عن الاحتكاريه والاستهلاكيه والانتماء الى الاقليات والكلام دا بس قلت نفكها احسن.
معلش يابنتي لابد من يوم معلوم تترد فيه المظالم ابيض على كل مظلوم اسود على كل ظالم
وسمعني اغنية الاستاذ محمد فؤاد مشينا كتير وكدا يعني
شوف انا بتكلم
شوف انا بتكلم في ايه وانت بتتكلم في ايه P:
هو من بين اليله
هو من بين اليله بتاعة الأهلي و الزمالك و مع الإعتراف اني اهلاوي وراثه وا افهم في الكوره و لا عايز افهم لأنها لاتعنيني :D
المهم انا بتريق على الزمالك ولمني احترم الزملكاويه امثالك لأنهم ولاد حلال باقين على العشره ههههه
يعني ميهونش عليكوا العيش و الملح و بتشجعوا فريق جايبلككوا الضغط انا بحترم الوفاء دا ..
بس فر جزء زملكاوي مش بيحب يعترف فيقول الأهلي دا نادي الحزب الوطني و بيكسبوا عشان الريس اهلاوي انما الزمالك هو الشعب غلبان و بعتبر دا مرض مابعد تكرار الهزائم
و ربنا يقويكوا :D
تيت تيت اهلى
تيت تيت اهلى
ياعيني انا كدا
ياعيني
انا كدا هحول وابقى زملكاوية تضامنا معاكي
هههههههههههههه
ربنا يعينكم
البلوج القديمة
البلوج القديمة والجديدة روعة وانا متابعاكى جداا لانك متميزة
ميرسىىىىىىى مووووت ع البوست
فعلا مش في
فعلا مش في الكورة بس
في الشغل.. في المكتب.. في المدرسة.. في الجامعة.. في المواصلات
اللي بيقدر على حد مابيرحموش
البوست ده رائع فعلا
أيوة هو مرتضى
أيوة هو مرتضى منصور ربنا يريحنا منه
الغريبة إن أسامي الناس دي اللي فى أماكن عالية عكس صفاتهم تماماً
!!!
انا اهلاوى بس
انا اهلاوى
بس ملاحظ ان كمية الحقد والغيرة من الاهلى من جماهير الزمالك والاسماعيلى زادت اوى
لدرجة انى بحس فى متشات الاهلى مع اى نادى عموما او الزمالك والاسماعيلى خصوصا وزود عليهم المصرى
بحس ان الاهلى ده اسرائيلى او امريكانى والغل بقى بيطلع يا سلام لو دخل فى الاهلوية جونتقولش حرروا القدس ولا هزموا بوش لو جابوا جون فى الاهلى
وياسلام بقى على لعيبة اى فريق بيلاعب الاهلى بتلاقيها بتاكل النجيلة اكل فى ماتش الاهلى ...انما اى ماتش تانى لاء ..والاخر يقولك الاهلى معرفش ايه ...
ايه ده
ايه يا جدعان ...
معرفش بجد فيه ايه
رغم ان معروف لكل مصرى ولكل عربى وحتى على المستوى العالمى ان الاهلى اول شعبية فى مصر ..ومش بالكلام
الدليل بسيط
لما الاهلى كان بياخد بطولة افرقية شوف القاهرة عند استقبال الفرق بتبقى عاملة ازاى
محدش بيقدر يمشى فى وسط البلد
انما لما الزمالك كان بيجيب بطولة ..عادى
وطبعا كثافة درجات الناديين فى اى ماتش افريقى بتشوف ان الاستاد بيتملى اهلوية انما الزمالك حتى فى اهم ماتشاته مدرجاته على استحياء
للاسف احيانا الحب الاعمى بيخلى الواحد مايشوفش الحقيقة
والحقيقة ان اغلب المشجعين فى مصر اهلوية
مع احترامى للزمالك اللى بتمنى جماهيره تخلص من مشاكله وتلاقى مجلس ادارة مخلص ليهم بجد
سبحان الله ..
سبحان الله .. الكورة زي ماهي في كل بلد :)
احنا كمان في السعودية( الرياض تحديدا) ناديين حالتهم مثل الزمالك و الأهلي ..
الزمالك= نادي النصر ,الأهلي= نادي الهلال
و نادي النصر عكس اسمه خالص :)
ع العموم زي ما قلتي الكورة بقت في كل حته,حتى في لعب الأطفال مع بعضهم .
الزمالك راجع
الزمالك راجع راجع ان شاء الله
بداية قوية مع موسم الدورى وان شاء الله البطولة الافريقية فى ظل كل المعوقات الادارية والمادية والاعبين المصابين والمستهترين
سيظل الزمالك دائما وابدا نادى الفن والهندسة
وعلى رأى الشاعر :
على الزمالك التاريخ بقدر يقول ما شاء
انا الزمالك عندى احلى واجمل الاشياء
بحبه لما يكون بطل واحبه لو كان مش بطل
هشجعه مهما حصل وافضل من العشااااااااااق
:)
:)
طبعا أنا أهلاوى
طبعا أنا أهلاوى و ارجو من الزمالكاوية تمالك نفسهم لأن الجاى أشد :)))))) .... وأصعب
ههههههههههه اذا
ههههههههههه
اذا أنتي زملكاوية ربنا يعينك أكيد فيك سكر :D
متابع لك منذ فتره
أسجل أعجابي
تعلـيق