في المترو
اثنين, 11/17/2008 - 23:56
كانت أول مرة، عندما رأيت سيدة تجلس في عربة المترو وتمسك بين يديها إبرتين تريكو وتصنع مفرشاً لونه أصفر.
فكرت.. لماذا لا نستغل وقتنا في المترو؟
مثلي، اقضي يوميا 50 دقيقة في المترو، لا تهون علي تلك المدة إلا إذا دفنت رأسي بين دفتي كتاب. أو امسكت بقلم ونوتة واخذت في التفكير أو التخطيط لمعضلة أو مشكلة أقابلها في عملي.. او حتى شخبطات لرسم هيكل ما لتصميم جديد. كيف إذن يقضي الآخرون وقتهم دون الشعور بالملل؟ والملل شعور قاتل..
التعليقات
بناااااااااام ا
بناااااااااام
ايوة بنام انا اركب اي مواصلة بنام في قطار أو مشروع وياسلام مع الترام عشقي بنام نوم
وكمان ساعات بشتغل كروشية وساعات بنقرأ بس مش ح اضحك عليكي الأغلب النووووووووووووووووووووووم
فعلا الواحد
فعلا الواحد لازم يستفيد فى القراية فى المترو
محمود العسيلي كان بيقترح فى برنامجه ان الناس تتناقش مع بعض
الست دى جدعة انها بتشتغل فى التريكو فى المترو
بس الكلام ده ينفع فى مترو نيويورك مش هنا لان البيئة بتبقى بيئة فى المترو حدانا فى مصر.
يعني مثلا المترو زحمة و الناس راكبة على بعض
الجو حر و ريحته وحشة حتى فى الشتا
تلاقي ناس عندها هوس ديني مشغلين الموبايلات بصوت عالي على القران
ما هو مش كل
ما هو مش كل الايام بيبقى المترو زحمة بردو :)
اكتر الاوقات بيبقى المترو مناسب انك تفتح تقرا فيه.. انا عن نفسي خلصت كتب كتير واا واقفة وانا قاعدة وانا حتى ماسكة في حلقة بإيد وفي الكتاب بإيد..
الهوس بقى هوس موبيلات بالدرجة الاولى.. من اول القرآن الكريم، لحد أحدث الإلبومات الغنائية والأدعية D:
القراية
القراية ماتنفعش فى المترو بتاعنا فى مصر
الجو بيبقى حر و ريحته وحشة و الناس مشغلة الموبايلات بصوت عالي
الناس راكبة على بعض
كل ده يخلي القراية تعذيب مش تسلية
السلام عليكم
السلام عليكم ورحمة الله وبركاته .
من الممكن مثلا أن نستغل الوقت كما قلت في قراءة كتاب ما ، أو ذكر الله ، أو الاستغفار .
اولا انا مع
اولا انا مع احمد المسلم في جزئية الاستغفار شيء جميل جدا بنغفل عنه جميعا او اغلبنا بصراحه و خصوصا الاستغفار مع التسبيح لو كان منكم حد متعود يسافر كتير بالذات اوقات الغروب و الشروق
ثانيا الملل تعريفه نفسه هوه المشكله هل هو التكرار النمطي لسير الحياه ام الحياه بدون احداث جديده او مثيره
او هوه حاله و بتطب علي مخ الواحد
عن نفسي انا ملول جداا من الرتابه ف الحياه وبحب التجديد و التغيير و ما اصعبه في بلادنا(:
تعلـيق