بسم الله، مجراكي ومرساكي..

كل سنة وانت طيب
وعيد سعيد
وتعود عليك الايام بخير قادر يا كريم

بس ليه كده بس :) ما قلنا دروبال لطيف ودمه خفيف طول عمره ههههههههههه

الله يكرمك :) ويوفقك دنيا وآخرة، ومتشكرة ع الدعاء الحلو ده..
والله فتحت نفسي للمدونة الجديدة دي وحمستني

معلش انه مش اول تعليق بالظبط يعني، اصلي اتاريني مكنتش مظبطه ان التعليقات تتنشر على طول بمجرد الارسال فكانت مستنية مني اوافق على نشرها، وبالتالى التعليق اللى قبلك ماظهرش ليك، بس خلاص ظبط الحكاية دي واى حد هيعلق هيتنشر على طول :)

أهلا يا إبراهيم، اهلا بيك في المدونة الجديدة واهلا بيك في المدونة القديمة كمان.
على فكرة انا عاجبني اسم مدونتك واهتماماتها
ربنا يوفقك فيها

اولا: وانت طيب وبالصحة والسلامة
ثانيا: شكرا ويارب تكون عتبه مفيدة :)
ثالثا: لا مش رغاي خالص ههههههه،

متشكرة على رأيك في الثيم واضافتك الجامدة،فعلا للبشر اكتر من طبيعة

ميرسي يا زنوبيا على التعليق :))

نورتيني يا جميلة،

ايه يا محمد كل ده يا محمد، كل دا تعليق.. وانا المفروض ارد على كل نقطة وكده ههههههههههههه

طيب يا سيدي،

اولا: وانت طيب وبخير وألف سعادة :)

ثانيا، وجهة نظرى ورايي المتواضع فى الرد على تعليقك "شبه الاحترافي" :)
بعيدا عن مدونتي، خلينا نتكلم عن دروبال، انت بتقول انك مش بتحبه.. عشان هو مش نظام ادارة محتوى كويس لانه معنوش تصميمات كويسة.
بص هو تقنيا وعلى مستوى ادارة المحتوى نفسها دروبال جامد جدا.. ودي مش وجهة نظر واحدة عندها مدونة انما دي وجهة نظر واحدة بتشتغل في شركة، بتعمل مواقع جامدة من حيث الخدمات وقواعد البيانات اللي نعملها كلها باستخدام دروبال،يعني دروبال يقدر يكون مدونة بسيطة ويقدر يكون موقع معقد..

ولكن انا مقدرة وجهة نظرك جدا من حيث فكرة ان المستخدم العادي بيحب او بيكره موقع من خلال اول حاجة بتقع عليها عنيه وهي التصميم.

يمكن انت شفت كام موقع دروبال تصميماتها معجبتكش، ودا كان رأيي انا كمان فى الاول، لحد ما عجبتني ثيمات مجانية كتيرة على موقع دروبال نفسه. في حاجات غبية بردو، بس لما الاقي حاجات حلوة دا معناه ان دروبال جاهز انه يتعمل له ثيمات حلوة :)

-----

انت بتقول:
المساحه الى فى النص المخصصه لكتابه المحتوى الرئيسى صغيرة أوى .. بالتالى منظر المدونه كله مش بيكون كويس, وكذلك عند منال وعلاء

غالبا دي بسبب الريزوليوشن بتاع الشاشة بتاعتك، وانت الاعلم بحكاية الريزوليوشن يا معلم :)
هوضح عشان الناس:
لو انت شاشتك 1024 زي اكتر الشاشات دلوقتي،المنظر هيظهر عندك زي الصورة دي واعتقد ان المنظر هنا معقول جدا،مساحة الكتابة ضعف مساحة السايد بار الواحد

ولو الشاشة بتاعتك 800 هتظهر زي الصورة دي ودي مزعجة بدرجة كبيرة، وبتخلي اي موقع ليه اتنين سايد بار، بيضيقوا على مساحة الكتابة..ودا اللى بيخليك يا محمد تحس بنفس الازمة عندي وعند منال وعلاء وعند اي موقع ليه اتنين سايد بار

ولو الشاشة عندك 1224 هتظهر زي الصورة دي ودى كبيرة جدا طبعا بالمقارنة بالاتنين التانيين :) ودى اللى انا بستخدمها وبتحسسني بالراح ده ههههههه

----

بالنسبة لموضوع اللينكات بتاعة الباب، شكرا على رأيك في التأثير :) وانت عندك في حكاية ان اهلا دي تيجي تحت كده، بس انت لو دخلتها هتلاقيها بتتكلم عن شرط التعليق وكده، ووقت ما ظبط الترتيب انا كنت مسميها ايم تاني،وبعدين استتقلت دمه فسميته اهلا من غير ما افكر اني اغير الترتيب
بس يعني انا حاطة الترتيب بحسب الاهمية.. يعني مدونتى الاولا وبعدين الدروس وهكذا

----

ثالثا: البانر الرئيسي، اعتبره فن تجعيدي وكده ما تضقش على ايه الحرف اللي ظاهر وايه اللى باين، فن فن ههههههههههههه

-----

رابعا: اللينكات اللى فوق هي فعلا بعيدة وتظهر كويس فى شاشة اكبر من الشاشة بتاعتك،زي ما قلتلك هي مشكلة شاشة مش مشكلة تصميم يا معلم

----

خامسا، فاهمة فاهمة..ما هو دا مقصود ، بس قلبي حاسس انك بتستعمل انترنت اكسبلورر مش فاير فوكس.. فهتلاقي اللى ظاهر عندك هو الشريط اللبني الثابت.. مش النباتات كمان، لو استخدمت فاير فوكس وهو مجاني على فكرة وهو متصفح قياسي ، هتلاقي ان الصفحة بتتحرك لفوق والثابت هو الشريط اللبني والنباتات كمان،والمظهر هيكون كووول وعاطفي ، بس زي ما انت عارف انترنت اكسبلورر متخلف شوية،وانا مكنش عندي وقت اني اظبط التصميم عشان يبان مظبوط عليه هو كمان. وتقدر تقول اني عن عمد droped support to IE

----
سادسا حكاية الفوتر بردو نفس مشكلة الريزوليوشن :) ظبطه يا محمد عشان ترتاح،ترتاح هنا وترتاح في مواقع كتير كمان :)))

----

ملاحظاتك البسيطة:
المسألة الرياضية دي عشان مشاكل السبام وانت الادري يا محمد..مش هستنى ان تنزل لي تعليقات اعلانتا وبعديت الغيها وخصوصا ان مدونين تانيين بيستخدموا دروبال قالولي ان السبام بيبقى كتير ومقرف وماينفعش استغنى عن اي كابتشا. وقلت بدل ما استخدم كابتشا، استخدم مسائل رياضية، وهي سهلة مش معضلة :) وماتخفش على الناس، اديك شايف ناس كتير علقت، ودا معناه ان الناس دي عرفت تحل المسﻷة ومحصلتش ازمة

هه.. خلاص كده، اروح اعمل حاجة تانية فى حياتي بأه :P

عشرة مليون ميرسي، :)

لما ماتزعلش خلينا بس نشوف
مدونة نور "مفيش فايدة" ابتدت في فبراير 2006
ومدونتك "مفيش فايدة" ابتدت في يونيو 2006

وممكن جدا، بل من الوارد جدا جدا.. ونظرا لأنالمدونات بقي عددها كبير وصعب ان المدون المبتدىء يحيط علما بكل المدونات اللى سبقته عشان يتفادى الوقوع فى التكرار، فممكن نلاقي اكتر من مدونة بتحمل نفس الاسم

وفي النهاية فكرة التغيير دي بترجع لصاحب المدونة ورغبته.. :))

انما ان كان عليا فانا ممكن احط اسم مدونتك عندي بردو بس هتبقى "مفيش فايدة" بشرطة ، وللا ايه ;)

وانت طيب يا ماشي الطريق،وعيد سعيد ليك انت واحبابك :)

شكرا اوي انك تعبت نفسك واهتميت تعلق تعليق تاني لما الاولاني راح :)

ياااارب يسمع منك ربنا ويبقى وشه حلو عليا زي مدونتي القديمة

الله يبارك فيك وكل سنة وانت طيب وبالصحة والسلامة :)

اللون البني للباب والاصفر للوردة مش ماشين ازاي؟ دي الخلفية بيضة اصلا هههههههههه، والاصفر والبني بيليقوا على بعض، وكمان عاملين كونتراست مع اللبني ودرجات الرمادي ، فانا عن نفسي عنيا مرتاحلهم

صورة بنت مصرية هتفضل موجوده بس في خلفية تعليقاتي :))

الله يبارك فيك يا محمد
وكل عام وانت بخير وبالصحة والسلامة
:)

عيد سعيد يا فندم :)

ان شاء الله يتربي في عزي على رأيك :) بس مش هدلعه زي ماما نونا ما عملت مع حمادة.
فكرتني، انا قلبي اتقطع امبارح من العياط عليها ;(

بجد يا محمد! انت شايف انها بداية مبشرة، انا فرحانه جدا دلوقتي :)

انما نشر كتاب دي واسعة اوي يا محمد.... الكتاب ده يعني، شىء مقدس، مش اي حد يعمل نفسه فيها كاتب وينزل كلامه في كتب.. صعب اوي، معتقدش اني مهما كتبت ان كلامي يستاهل يعيش في كتاب..

على فكرة يا محمد، التصميم القياسي، هو اللي يكون ال html وcss بتوعه valid مش انه يظهر واحد على كل المتصفحات وكل الرزوليوشنات
اولا لأن المتصفحات بتختلف عن بعضها، وبعضها بيكون عنده هو المشكلة او العيب، بيكون من الاخر متصفح مش قياسي، زي انترنت اكسبلور كده
ثانيا، انه يبان على كل الرزوليوشنات واحد، دا معناه انى اعمله fixed theme ليه عرض محدد ودا تقنيا بيسبب مشاكل لأنه بيحددك دايما بعرض واحد ويضيق عليك الدنيا، ولما يكون الرزولويشن عالى اوي بيبان الموقع حاجة رفيعة في النص دمها تقيل وحواليها فراغ :))

الله يبارك فيك يا كبير :)
هو قلبك بيقولك صح، بس مش تحديدا التصميم ده، انما ناوية اعمل تصميمات -وتكون قياسية بأه- عشان خاطر عيون الناس الغلابة :)

ويعني لو معملناش حركات الجدعنة معاك يا معلم، نعملها مع مين D:

وانت تهت هنا :)، انا كنت متعمدة ماعملش يمين وشمال، يعني الشمال بس هما خمس لينكات كبار، بخلفية باب وبس.. انما ماعلمتش الشمال زي اليمين خالص، ولا بانرات ولا بتاع،

الصورة بتاعة بنت مصرية انا بحبها بس مكنتش متأكده انها تليق على التصميم ده، انما هحاول احطها واشوف رأيكو ان شاء لله تاني :)

كل سنة وانت طيب وعيد سعيد

اهو انا معتمده على فكرة التعود دي ، يعني الواحد الاول بيستغرب المكان وبعدين يتعود، اصلا انا كنت بغير تصميم مدونتي القديمة كتير، علمتلها حوالي اربع تصميمات، والاخير كان بتاع بلوجسبوت نفسه، وكان كل مرة الناس تقولي ن التصميم حو بس هما اتعودوا ع القديم، وبعد شوية يبقي الجديد هو القديم ويتعودوا عليه وكده

مش هاخد في نفس قلم ولا حاجة :) بس بردو من حقي اكون سعيده ان مدونتي شجعت ناس على التدوين ههههههه

كل سنة وانت طيب يا قمحاوي

والله يبارك فيك

هو اذا كان على الطباع الشخصي، فأنا حطيت وردة صفرا، عشان بحب الورد الاصفر، وعلمته بالالوان دي عشان بحبها :) انما اذا كان الطابع الشخصي اتعلق مع الناس بصورة بنت مصرية نفسها، فمش هينفع اتاجهل الرغبة دي، وهنزلها ان شاء الله تاني ، عيد سعيد

هههههههههه طيب ما قلتليش ادفنها فين بالظبط

وانت طيب وبالصحة والسلامة :))

وانتي طيبة وجميلة يا حنووون

وميرسي ليكي :)

الله يبارك فيك

وانا يهمني المتابعة اكيد :)

شكرا يا تائهة هانم :) وربنا ما يوقعلك حلم حلو ابدا

الله يبارك فيك :)، وان شاء الله ماتأثرش على المحتوى، بس دعواتك معانا

يسمع من بقك ربنا يا رب.. متشكرين يا مخنوق أفندي :) وعقبال ربنا ما يفك علنك خنقتك، ولا انت متأقلم كده؟