أحب اسمعك.. دور يا زمن لعلي الحجار

أنا كنت باحب المزيكا دي قبل ما أعرف إنها لحن لأغنية لعلي الحجار.
مش عارف ليه لسه عندي إحساس أن الكلمات متركبة علي المزيكا مش الكلمات اللي اتلحنت .

--
http://mabadali.blogspot.com/

يمكن عشان كنت بتسمعها مزيكا قبل ما تعرف ا ليها كلام
نفس الفكرة بتاعة لما تسمع اغنية كتير وبعدين تسمع الموسيقى بس فيتهيئلك ان اللحن بينطق الكلام D:

علي الحجار ومحمد منير أعتقد أنهما شكلا وجدان وأحلام ولحظات سعاده وألم لجيلي بأكمله ... فعلاٌ على رأي عمرو عزت الموسيقى مألوفه جداٌ قبل الكلمات وهذه روعه عمر خيرت
عموماٌ يا رب كل أيامك يبقى مودها رايق كده
سلاااااااااااام

أغنية تحفة
شكرا بجد.. الواحد كان ناسيها

بس دي أغنية و من العمل بيهل فجر الأمل، اما دور يا زمن فكلماتها حاجة تانية.. و ان عاكستك خطاوينا او سايرتك.. هاتدور بينا يا زمن.. هاتدور بينا و تجيب آخرنا و لا نقدر نجيب آخرتك.. دور يا زمن.

احنا كان عندنا الشريط ده زمان أول ما طلع.. نفسي اشوف مسلسل غوايش تاني

كنت احب اعمل لها دون لوود

انتي عارفه انا لما بسمع الاغنيه دي بتعب جداً .... عشان بتفكرني بأيام زمان .. كان الواحد مش وراه مسأوليه ولا في دماغو حاجه كان عايش وخلاص ..

علي العموم الاغنيه دي فعلاً اسمها دور يا زمن وكانت في مسلسل اللقاء الثاني بتاع محمود يس و بوسي .... والمسلسل ده جميل فوق ما تتخيلو (حاجه كده .. اكنكم بتتفرجو علي فيلم قديم عاجبكم)

المهم شكراً ليكي جداً مشاركتنا الي انتي بتسمعيه وعلي العموم في اغنيه برضو بنفس الاسم بس اطول من دي واجمل كتير جداً ..... اعتقد كانت هي النهايه والتانيه بتيجي في وسط المسلسل .. وفي اغنيه تانيه اسمها زي الهوا دي بقي اهتقد المقدمه ... وبيغني ومعاه حنان ماضي

اه نسيت انا من كتر حبي للأغنيه دي كان مشروع تخرجي فيه نفس الموسيقي

وشكراً ليكي تاني يا جميل .

محمد

تحفة يازينب:) بالصدفة أول مرة أسمعها كانت امبارح. حضرت حفلة الساقية الأربعاء اللي فات له كانت ممتازة..

هو في كتير من موسيقى عمر خيرت متركب عليها الكلمات فعلا, لكن مابيتهيأليش دي منهم

الله عليك من اجمل الاغاني فعلا .