ليسوا شهداء.. حتى لا ترفع المسئولية عن الدولة المستبدة.

مش عارف ليه بقينا عاملين زي الشريك المخالف
كل لما حد يقول حاجة نفسرها على إنه تبع الحكومة و مش عارف إيه
الشعب المصري قرر إختصار المعارضة في المثل الشهير
قاله يابويا علمني الغتاتة ... قاله تعلى في الهايفة و إتصدر

معروف أن الله يأمر عباده ألا يلقوا بأيديهم إلى التهلكة. والسفر بهذا الشكل هو مخاطرة واضحة ليس بالمستقبل ولكن بالحياة. والأكرم لهؤلاء الشباب هو رفض السفر حين يرون وسيلة السفر المعدة لهم، أو رفض القفز في البحر لو كان ذلك هو ما يطلب منهم عند اقتراب السفينة من الساحل. أما المفتي فالحق أنني أحياناً ما كنت أقع على مقالات له في الأهرام وكان تناوله يعجبني، قبل أن أعرف أنه مفتي الديار. والمفروض أن ننظر لمحتوى الكلام لا لمصدر الكلام. غير أن المشكلة في ثقافتنا هي النظر في كثير من الأحوال لمصدر الكلام قبل، أو دون النظر لمحتواه، سواء ذلك حين يتم قبول الكلام على علاته لأنه صادر من مصدر نصدقه، أو العكس، مثلما في حالة كلام المفتي. والموقفان يعكسان خللاً وضعفاً في الشخصية الفكرية.

اثلجتى صدرى

بيقولك أن ربنا لما يرضى عن حد , بيسهل لناس تانية أنها ترد غيبته وتدافع عنه

تسلمي يا رب ويسلم عقلك ..

إذا كان هؤلاء الشباب يعلمون جيدا خطورة ما سيواجهونه، فهذا لا ينفي بالضرورة أنهم شهداء.. كما لا يؤكده!
الشاب الذي يجد أن حياته تحولت إلى سلسلة من الإحباطات والأبواب المغلقة، من الطبيعي أن يبحث عن رزقه في فم الأسد نفسه!
فتوى المفتي لو كانت قد صدرت منه هكذا فهي مشكلة..
هل دخل الرجل في نفوسهم وكشف نواياهم؟..
لكن ليس المطلوب طبعا أن يفتي بأنهم شهداء كذلك.. للسبب نفسه: أن النية هي الفيصل..
لا أظن الثورة التي قامت بعد هذه الفتوى "مولد" أو اصطياد للسقطة واللقطة.. كثير ممن هاجموه كانوا يتفقون معه ويعلنون احترامهم وإجلالهم له.. المسألة أن الفتوى حقا غريبة وتستحق وقفة.. لو كانت صدرت منه حقا!

شهداء أم غير شهداء ليست تلك المشكله فيما قاله المفتي يا زينب يعني دي حاجه حسابها عند المولى عز وجل ... ولكن هناك أختيار الوقت هو المشكله ... يعني الناس الغلابه أهلهم وهما عمالين يفكروا في ولادهم اللي ماتوا وإزاي يسددوا الفلوس اللي كانوا سالفينها علشان يسفروهم يطلع المفتي ويزود همهم ... سواء كان على حق أم لا فالوقت لم يكن مناسباٌ ...... ثم حكايه أنهم طماعين لأن سيادته رأى أن مبلغ خمسه وعشرين ألف سالفهم كل واحد كان من الممكن أنهم يعيشوهم ملوك ولا أحمد عز ببر المحروسه ويرى سيادته أنه كان من الممكن بهذا المبلغ أن يفتح أي منهم مشروع يدر عليه عائد ... وأنا من منبرك هذا أعلن تبرعي لسياده المفتي بمبلغ خمسين ألف جنيه قرض حسن لا يرد بشرط ان يورينا سيادته كيف سيدر هذا المبلغ عليه أي عائد ...؟ ؟ ؟
ثم لو أن سيادته _ لا أعلم إن كان له أولاد في سن الزواج من عدمه _ حاول شاب من أولاده أن يتزوج أتمنى أن أعرف كم سينفق وهل مبلغ 25000 سيكفيه أم لا بفرض أن هذا المبلغ ملكه وليس دين في رقبته
من الآخر
أنا زهقت من البلد ومن كل حاجه فيها
والمهم أن الأيام القادمه بعد تولي صاحب الجلاله ولي العهد مقاليد الحكم في المتعوسه بعد وفاة أو تنحي طويل العمر الحال حيبقى أصعب على السواد الأعظم من فقراء مصر وهم لو تعلمي أغلبيه هذا الشعب
ورغم كل ده مش حنولهم مرادهم ومش حنسافر ومش حنبطل نقول ... البلد دي بلدنا مش بلدهم

أنا سعيد جدا بمتابعة أفكارك والردود الحضارية الرائعه عليها. أتمني من الله إن ظروفك تمكنك من الإستمرار لأني بصراحة بكون سعيد جدا لما أفتح المدونة ولاقي حاجة جديدة

جميل انك تناقشي الموضوع كده
لان احنا اتعودنا ان لما حد يفتح بقه براي يا اما نهلله ونرفعه الى مراتب الالهه لو عجبنا كلامه
ولو ما عجبناش ننزله الى اسفل سافلين
وعلى كل الموضوع فعلا لازم يناقش ويبحث بطريقة علمية زي ما انت قلتي
ولازم يتحاسبوا الناس اللي بيسهلوا السفر بالطريقة دي
لكن اللي انا مش فاهماه
ازاي بعد كل حوادث الغرق للي ما وصلوش
والسجن والبهدلة والترحيل للي وصلوا
اشباب لسه بيحاول يخرج من البلد كده؟
اعتقد انه ياس
لكن مش طمع

شكرا لك

sadek 2ao la tousadek! el kalam da kolo kan 3ala bou2y lama tabe3t el mawdou3 da, fa mafesh 7aga tanya momkin tet2al 3'eir inno la 3'oubar 3aleeh -as u have mentioned:)

and just between u and me- i know my opinion in this specific matter might offend some ppl,but i really like to listen to El-Moufty and i find his ideas and approaches are really worth thinking about it or at least considering it -regardless his formal title

and one last word :) لا فُضَّ فُوكَ

أنا ملاحظة ان المصريين ما شاء الله عشان يبقوا بيفهموا فى الساسة ويقولوا كلام جمل يتسمع يبقى لازم كل ما يتبع الحكومة يكون غلط من مفتى لشيه ازهر لادارات دنية لحاجات كتير اوى
ايوة فى بعض الدارات اللى بختلف معاها بس من ناحية المفتى مقدرش اقول غير انه نموذج للرجل اللى يستحق يقول فتوة من ثقافة وتنوير وقدرة على محاورة اى شخص بأى ثقافة بأى تعليم بأى جنسية لم يقتصر على العلم الشرعى انما شاف ولف وقرأ فى كل شىء وانا واحدة من الناس اللى شافت المناظرة بتاعت احمد عبد المعطى حجازى وكنت فى غاية الانبهار بيه
ويمكن لو كانت كملت او كملنا فى الطريق ده بشكل او باخر مكانش وصلنا لازمة عبد المعطى حجازى الاخرة واللى اتفسرت طبعا باضطهاد الدين للمثقفين
ومن ناحية الشباب انا مش فاهمة طب فرضا انهم وصولا ومماتوش ولا حاجة كانوا حايشتغلوا خناك ايه
حانوا حايتبهدلوا ويتمرمطوا ويحمدوا ربنا
طب المبلغ اللى دفعوه تمن موتهم ده مش كان ممكن يبقى بذرة لمشروع صغير يدر عليهم دخل وهما فى بلدهم من غير بهدلة وقلة قيمة ولا هو بس الرزق مش حايكون غير بره
طب انا معاكى ان السفر من ارض لارض عشان الرزق مطلوب ماشى بس فى حالة وجود ضمانات لشغل هناك ولا عقد ولا اى حاجة مش موتة والسلام

اسفة للتطويل

والله بصرف النظر عن المفتي قال اية او مقالش اية وبصرف النظر كمان عن اللي قالته الاستاذة منى الشاذلي احب اقولك ان مفيش حد ممكن يلجأ للطريقة دي إلا لما تكون خلاص الحكاية قفلت معاه وبيمشوا على بمبدء ان دي مسألة حياة أو موت يا انجح واوصل يا اما اغرق واموت منا هنا في بلدي الاسم عايش والواقع ميت ومتحلل كمان ..وبس
مـ خ ـنوق

كلامك ميه ميه
الغلط أساسا في السؤال الغبي جدا جدا
هم كانوا رايحين يجاهدو لا كانوا رايحين يدوروا علي شغل وماتوا
خلاص الله يرحمهم
ويلهم أهلهم الصبر والسلوان
ويلهم الحكموة طرق تقلل بيها اعداد الهجرة الغير شرعية
بس كده إنما ليه بفى بقيت الكلام اللي مامنوش فايده

أولا أهنيكي على المدونة الجديدة ولو ان التهنئة متأخرة

ثانيا فضيلة المفتي عالم كبير قوي وعيب قوي نتجرأ عليه وأحيكي فعلا على كلامك عنه

ثالثا رحم الله أموات المسلمين جميعا

رابعا بقى الأولاد دولا فيه شوية أخطاء رهيبة ارتكبوها يعني ب 25 ألف كان ممكن ياخدوا قرض من صناديق الشباب بنفس المبلغ وبخمسين ألف كانوا يقدروا يعملوا مشاريع كتير أحسن من أوهام الثراء السريع في أحضان روما وفينيقيا

:(

ربنا يصلح الحال يا رب

تحياتي من ماناساس البلد

السلام عليكم
هذه اول مرة أزور فيها مدونتك ولم أستطع أن أغلق الصفحة الا بعد أن قرأت كل المواضيع التي كتبتها في مدونتك أعجبني قلمك الساخر ووجدتك حيادية في كثير من المواضيع لعلي اتفق معك في كثير مما كتبته هنا
فضيلة الدكتور علي جمعة له كل الأحترام والتقدير لكن أعتقد أن تقديس الأشخاص وإلباسهم عبائة تحرم على أي فرد نقدهم او الأقتراب منهم فقط لأنهم أصحاب عمائم أو يتبعون الى مدرسة دينيه هذا يسلب الحيادية في الطرح

شرف لي أن أكون في ورقتك هذه تحياتي ...!!

Ehab Shalaby
اولا اهنيكي علي البيت الجديد الجميل ده ، و علي اسلوبك الراقي المتحضر و بأعتقد ان الخلاف مش بس هما شهداء و لا مش شهداء لأنه في الاخر هما راحوا ضحية ظروف و عوامل نعلمها جميعا و يعلمها فضيلة الدكتور علي جمعة ، و لكن الخلاف في مشاعر اهل الضحايا لما يسمعوا الفتوي دي !! هل هذا هو العزاء الواجب لهم ؟ نستطيع جميعا و ايضا فضيلة الدكتور ان ندرك مدي معاناة اهل الضحايا عند موت اولادهم و عند سماع فتوي من افتي في ذلك ، تحياتي ...

أصبحنا فى عصر توزع فيه الصكوك الدينية على من يشاءون دون من يشاءون .. لي فى هذا الموضوع مقالا لعلك تطلعين عليه والآخرين

شكراً

أنا متفق مع الذين قالوا إن فكرة كونهم شهداء من عدمه ليست ذات اهمية .. ولكن الذى يجب ألا نختلف حوله هو كون هؤلاء الشباب ضحايا .. ضحايا لنظام تنكر لهم وترك المجتمع يلتهم أى طموح داخلهم .. فأصبحوا ضائعين مستعدين للمخاطرة بأعمارهم .. هذا ما لم تسعف فضيلة المفتى شجاعته كى يقوله .. واكتفى بوصف الشباب بالطمع .. فاكرين حكاية الشاب خريج كلية الاقتصاد و من الأوائل على دفعته اللى انتحر لما رفضوا تعيينه بحجة إنه غير لائق اجتماعيا ؟؟ أهو ده بقى انتحر رسمى ومحدش يقدر يقول عليه شهيد .. لكن مع ذلك فالقاتل الحقيقى هو النظام الذى يقتل الكفاءات ويدوس على المتفوق لصالح صاحب الواسطة .. فحسنى مبارك سيحاسبه الله على حياة هذا الشاب المتفوق الذى دفعه الظلم إلى الانتحار فى لحظة فقدان أمل مطلق
وأنا بختلف مع زينب فى موضوع إبراهيم عيسى .. لأن المفتى لو كان عاوز يقول كلمة حق فعلا كان اتكلم عن النظام اللى جوع الناس وشردها .. وبدل ما يقول إن الشباب اللى غرقوا كل واحد كان معاه مبلغ من المال يكفى لحياته فى بلده .. وكأنه مش عارف الكم ألف يكفوا سكن ولا أكل ولا شرب ولا مهر ولا شبكة ..كان أحسن له لو عنده ربع شجاعة إبراهيم عيسى يتكلم عن ثروة أحمد عز اللى لو اتوزع واحد على ألف منها على الشباب دول كانوا عاشوا بقية عمرهم مش محتاجين شغل بدل ما يرموا نفسهم للحيتان والقروش ...

من أفضل المقالات اللى ناقشت الفتوى الهزلية للمفتى مقال بلال فضل الرائع بعنوان " مفتى الديار الغارقة "
ويا ريت المفتى يقول لنا مين طماع أكتر : الشاب اللى مش لاقى شغل وبيصرف على أهله وعاوز يتجوز .. ففكر يسافر بلد نضيفة يعمل قرشين .. ولا رئيس جمهورية بقاله ربع قرن ولسه طماع فى السلطة حتى آخر نفس وكمان عاوزها لابنه بعده

يا شيخ حرام عليك
والله كان الصمت أضعف الإيمان

الخلاصة ياجماعة....ان الموضوع ده فى علم الغيب الذى لا يعرفه ألا الله ... أنا الأعمال بالنيات... حتلاقوا واحد كان مسافر عشان لقمة العيش وواحد تانى رايح يفك الكبت اللى عنده كلنا شباب و عارفين الموضو....شكرا

السلامعليكم ورحمة الله...
بغض النظر عن موضوع هما شهداء ام لا فهذا الامر لا يعلمهالا الله الغلط فى الموضوع هو عدم اختيار الوقت المناسب للحديث عن ان الشباب دول شهداء ام لا عشان مفيش حد راعى ان فى امهات ثكالى واباء يموتوهنى احياء بسبب موت فلذات اكبادهم اللى كلهم فى عمر الزهور..وكمان انا معاكى فى مقولة طماعين لان الانسان المفروض يبحث عن الافضل ولكن بطريقة شرعية...بس انا رافض مقولة البلد عايزة الحرق لان انا وانتى وابويا وابوكى وامى وامك عايشين فى البلد ديه ولو اتحرقت هنولع كلنا...مش البلد اللى عايزة الحرق؟؟؟؟؟؟ ...ومبارك على المدونة الجديدة.

السلام عليكم ورحمة الله وبركاته....انا دى اول زيارة ليا لمدونتك....جزاكى الله عنا خيرا بخصوص المعلومات اللى بتنشريها عن التدوين استفدت منها كتير...تانى حاجة بخصوص فتوى الدكتور جمعة انا مش مع وقت نشر الفتوى موضوع انهم شهداء ام غير شهداء دى حاجة لا يعلمها الا الله ....والسعى على الرزق دى حاجة ربنا امرنا بيها ولكن يجب ان تكون بشكل شرعى ولا يؤدى الى الهلاك....وزى ماقولت ان الفتوى وانا لا اعلم مدى صحتها لم تراعى الامهات اللثكالى والاباء الذينى يموتون كل ساعة بسبب فراق فلذات اكبادهم وهم فى زهرة شبابهم وحاجة تاالتة ان البلد ديه مش عايزة الحرق ولا حاجة لانها لوتحرقت هيتحرق فيها ابويا وابوكى وامى وامك وانا وانتى...فين ناس تانيه هما اللى عايزين الحرق....وادعوكى لزياررة مدونتى الجديدة والرلبط بتاعها
http://www.roayaty.blogspot.com
وعلى خير نلتقى....والله ولى التوفيق.

تسلم يدك عالموضوع
انا تقريبا كان ليا نفس الرؤية للموضوع في المدونة بتاعتي بتاريخ 11/11
بس انا بحاول يكون لنا دور ايجابي
بصراحة انا من اشد المعجبين بالدكتور علي جمعة
وفي برامجه في التلفزيون بحس انه انسان محترم
وبلاحظ وعيه العميق لمختلف مناحي الحياة المعاصرة
وانه من العلماء النادرين في هذه الايام
اللي بيتكلم في مجالات الحياة وهو فاهم
على فكرة انا برضه كنت بتابع الشيخ القرضاوي في الشريعة والحياة
او في برامج تانيه
من برنامج اسبوعي للفتاوى على تلفزيون قطر
قناة قطر الفضائية
فرق كبيير
لصالح الدكتور علي جمعة
مع احترامي للشيخ القرضاوي
انا حاليا عامل جروب على الفيس بوك لمحبي الدكتور علي جمعة
العدد لغاية دلوقتي قليل جدا
بس انا على ثقة
اننا ممكن نقدم الشيخ علي جمعة لكتير من الشباب
ونخليهم يسمعو له
بدل ما بيحولو القناة اول ما يظهر على الشاشة
لمجرد فكرة مسبقة عنه
لأنه مفتي الحكومة
او من خلال الحملات الدعائية الرهيبة اللي بتطلع ضده
في الجرايد في مصر
لاسباب الله اعلم بيها
اسجل اعجابي الشديد لرأيك
واتمنى اننا نتعاون في لفت الانتباه
لفضيلة الدكتور علي جمعة
قبل ما الدعايات المضللة
وتأثيرات التقلبات السياسية في البلد
تخلينا نغفل عن واحد من افضل علماؤنا في الفترة الحالية
http://aboshanab.blogspot.com/2007/11/blog-post_11.html

عصفوره تايهه يا ولاد الحلال
أنت فين يا بنتي ....؟
الغيبه المره دي طالت
طمنينا عليكي

انا الى فاقع مرارتى من الموال دة كلة ان الشباب عمالة تقلك الرزق الرزق وكل واحد فيهم طالع السفرية الاى كلام دى ودافع فيها يجى 20ولا 30 الف جنية ويقلك رزق مين يا بنى انت وهو ما بالفلوس الى انت دافعها فى حاجة خطر كدة ما تفتح بيها مشروع فى بلدك وترتاح انما تروح تدفع مبلغ قد كدة وتقلى انا ببحث عن الرزق والى نيجوا يقلوا اية لو اتيحت لنا الفرصة تانى هنستلف ونحاول بردة نسافر بطرق غير شرعية ؟
والله كلام يغيظ فعلا وفى نفسى بقول يستاهلوا علشان هما عرفين ان الموضوع مش مضمون وفى ناس بتغرق وانتم بردة ودن من طين وودن من عيجن يبقى تستاهلوا الى يجرالكوا

اثلجتى صدرى

http://nadoosh.net