من أجل أطفالنا.. لا لإقامة مصنع أجريوم برأس البر
رأي
اضراب عام
حاولت ما انزلش التدوينة دي.. على الاقل في ليلة الاضراب.. وخصوصا ان ساحة التدوين كلها تيار واحد.. ظهور تدوينة زي دي هيكون زي عزف نشاز وسط سيمفونية زاعقة.. لكن احتراما لحرية الرأي ماقدرتش اصادر على وحهة نظري.
بكرة 6 ابريل 2008 في اضراب عام في مصر..
اضراب عام يعني.. كل المصرين مايروحوش الشغل وما يشتروش حاجة..
الاضراب علشان الارتفاع الجنوني للاسعار.. وازمة العيش
بس انا بكرة.. هروح الشغل.. هصحى بدري وألبس واخد شنطتي واركب المواصلات واروح الشغل اقعد على مكتبي واشتغل..
من شوية ميرا زميلتي في الشغل اتصلت بيا تسألني اذا كنت بكرة هروح الشغل ولا لأ.. قلت لها انا عن نفسي هروح،
وبعدها بشوية شموسة تصلت بيا وقالت لى ان بكرة يخوف.. بكرة مش هيكون يوم طبيعي حتى للناس اللي رافضين الاضراب.. تهديدات من الحكومة بتوصل لمحلات السوبر ماركت انهم مايقفلوش بكرة، وتهديدات من جهات تانية انهم لو فتحوا هيحروقوا لهم المكان.. كلام غريب، ومفزع..
بالنسبة لي.. انا مصرة اني اشتغل بكرة.. بكرة عن اي يوم تاني.. انا مش هضرب وبالتالي لو قعدت في بيتنا عشان الجو مش كويس.. هبقى مشاركة لحركة انا رفضاها ومش شايفة انها صح.. .. بقية التدوينة
سبت: 05.04.08 - 23:24
- 31 تعليقا
- قرأت 946 مرة
الوطن واحد والألم واحد
أرضنا وبلدنا وعلى عينا وراسنا من فوق
واللي يلمسها بغير حق نحط صوابعنا في عنيه...
بس مين قال ان عبور الغزاوين لرفح المصرية دا اختراق لمصر، واعتداء على ارضها؟؟ ايه السذاجة دي؟ ببساطة كده توحدوا بين الغزاوين العابرين لرفح وبين الصهاينة اللي سرقوا الارض بحق وحقيق.
ايه المخ الفاضي ده اللي يقولك انه" مع احترامنا لمعاناة الشعب الفلسطيني المحاصر في غزة.. فإحنا نرفض اعتداءهم على الاراضي المصرية ودا اعتداء على مصر"
يعني ايه "من غير الجائز ان يسعد اي مواطن بأن أرضه تم اقتحامها حتى لو من اعز الناس ، ثم هذا يفتت سيادة دولة على اراضيها"؟؟
ايه السذاجة المتناهية دي في الطرح الاعوج ده،
غالبا الطريقة دي من التفكير بتقف عند التعريفات العامة للكلمات والمصطلحات.. مش بتبص للظرف والحدث والخلفيات و و و...
بمعنى ان الناس دي "حافظة مش فاهمة"..اخدوا في المدرسة ان الجماعة اللي تدخل ارض غير وطنها بغير تصريح تبقى معتدية.. وعليه طبق التعريف العام ده بالحالة الفلسطينية..البعيدة تماما وكليا وجزئيا وفتفوتيا عن معنى الاعتداء وخدش سيادة الدولة. .. بقية التدوينة
خميس: 24.01.08 - 23:30
- 8 تعليقات
- قرأت 494 مرة
ليسوا شهداء.. حتى لا ترفع المسئولية عن الدولة المستبدة.
الجرايد بتقول ان عم المفتي قال عن غرقى ايطاليا " دول مش شهدا.. دول طماعين"
----
واحد
هو لما علي جمعة يقول ان غرقى ايطاليا "مش شهدا" هل دا معناه:
- انهم كَفرا؟
- انهم هيروحوا النار؟
- انهم وحشين وشريريين؟؟
ما هو مش كل من مات يبقى اجباري يكون شهيد.. ومش كل من هو مش شهيد انه مش حلو وطيب وكويس وهيدخل النار يعني.. واحنا عارفين كده كويس
- السعي على الرزق مطلوب
- وربنا بيحثنا نسعى في الأرض.. ونرحل من الارض اللي مافيهاش رزق، عشان نلاقي رزق في مكان تاني
- والدولة بتاعتنا بنت كذا في كذا، وهي السبب في البطالة والفقر والبهدلة اللي الشباب وغير الشباب شايفها،
- كل دا كلام حلو.. وكلام جميل.. "ولا غبار عليه" .. بقية التدوينة
ثلاثاء: 13.11.07 - 23:56
- 25 تعليقا
- قرأت 833 مرة
لأن في حقنا.. نظر
لأ بجد بقت حاجة تزهق
بقى لها كام سنة حاجة محرجة، لكنها دلوقتي بقت حاجة تزهق، وحاجة تقرف.. وحاجة تحرض على نتائج عكسية
اصل انا اكتر مشوار بكرهه في حياتي يوم ما اروح اشتري هدوم جديدة
افففف.. بيبقى يوم الشقاء والعذاب والدوخة واللف والدوران والطلوع والنزول والمشي والسلالم والبروفات والشماعات والألوان والتفصيلات وكمان الترتر.. وما لايقل عن تلاتين محل تقريبا عشان بلوزة يتيمة على جيبة يتيمه بردو وعليهم حتة ايشارب ايتم من الاتنين
ليه يوم متعب كده؟ لأني مش بلاقي اللي انا عايزاه
وليه مش بلاقي اللي انا عايزاه؟؟
اه هو هو دا السؤال!!
والله انا مواصفات لبسي مش معضلة، ومش ازمة..بس هما اللي بيخلقوا ازمة .. بقية التدوينة
خميس: 08.11.07 - 0:38
- 14 تعليقا
- قرأت 872 مرة
في المسألة المحرجة.. هو يعني إيه حوار أديان؟
- تعليقا على أكثر من خبر في الآونة الأخيرة يتحدث عن حوار الأديان ، وتحديدا حوار الفاتيكان مع علماء المسلمين-
عندما يقرر "س" المسيحي و "ص" المسلم الجلوس على مائدة خشبية مستديرة متوسطة الطول ذات مفرش أبيض ينتصفها مزهرية -الله يمسكي بالخير يا فيروز- بها باقة من الورد الملون، وعندما يفتحان ملفاً برتقالي اللون مكتوب على طرفه بشىء من الميل "حوار الأديان"... ماذا يعنيان تحديدا بمصطلح "حوار الأديان" اذا سلمنا أننا جميعا نفهم معنى كلمتي "حوار " و "أديان"؟
- مع العلم بأن حديثي لن يخرج عن الفكرة السطحية الخاصة بحط النقط ع الحروف- اي تحديد المصطلحات الخاصة بالموضوعات وليس أعمق من ذلك- .. بقية التدوينة
جمعة: 26.10.07 - 0:33
- 18 تعليقا
- قرأت 926 مرة
الثورة قربت يا عيشة.. هاتي الجردل وحصليني
انتو يا عالم يا اللي فوق، ياللى قاعدين على سحابة سودا وتخينة ومدلدلين رجليكوا وبتاكلوا في اته محلولة، يا اللي بتقولوا ان "الناس ايام الملك فاروق كانت بتئن من العبودية والا مكنتش الناس التفت نحو الثورة" *
بعيدا عن ايام الملك فاروق والملك عبد ربه، وبعيدا عن ثورة 23 يوليو والكلام ده.. عمرك شفتنا عملنا ثورة عشان مصطلحات زي "الحرية" "الديمقراطية" "التعددية".. هل عمرنا عملنا ثورة ضد مصطلحات زي "العبودية" "الظلم" "الفساد" ؟؟؟
يا فندم، الشعب لو عمل ثورة هيعملها عشان لقمة العيش.. واللي تقضي.. اللقمة الي تسد جوعة يعني
ودي مشكلتكم اللي بتورثوها لبعض جيل ورا جيل، وفي الاخر تقولوا هو الشعب مش فاهمنا ليه، هو الشعب مش بيعمل ثورة ليه
ليه الشعب ما بيعملش ثورة عشان الديمقراطية ولمنع التزوير في الانتخابات ؟ .. بقية التدوينة
اثنين: 22.10.07 - 23:43
- 12 تعليقا
- قرأت 696 مرة
اكم من رجال قد الجبال ..اتقلبوا هبل
موضوع ان واحد يتجوز على مراته ده، موضوع مزعج جدا بالنسبة لي. ويمكن دا اللي خلاني اتابع "سلطان الغرام" في رمضان، احاول ادي لنفسي فرصة تخليني افهم نفسية البني ادم اللي بيتجوز تاني على مراته "فراغة عين" بدون سبب حقيقي او داع زي الاسباب اللي "حددها" الدين
يعني مثلا لما ابتدا سلطان يبص لواحدة تانية غير مراته، بص عليها بعين والعين التانية ابتدا يفرز بيها عيوب مراته.. وبقى السيناريو شبه متواطىء معاه في انه يوجد له سبب درامي ، او يوجد لنا احنا سبب يخلينا نتعاطف معاه. فيسهب لنا في مشاهد توصف لنا زوجه مهملة في نفسها وجوزها ييجي من البيت يلاقيها بتمسح .. بقية التدوينة
اثنين: 15.10.07 - 23:09
- 17 تعليقا
- قرأت 773 مرة
